బాలయ్య అనిల్ రావిపూడి కాంబో మూవీ భగవంత్ కేసరి ఈ నెల 19వ తేదీన థియేటర్లలో దసరా పండుగ కానుకగా విడుదల కానుంది. ఈ సినిమాపై అంచనాలు అంతకంతకూ పెరుగుతున్నాయి. ఈ సినిమా నుంచి ఇప్పటికే విడుదలైన ఫస్ట్ సింగిల్ క్లిక్ కాగా తాజాగా విడుదలైన భగవంత్ కేసరి మేకింగ్ వీడియోకు సైతం మంచి రెస్పాన్స్ వచ్చింది. ఈ నెల 4వ తేదీన ఈ సినిమా నుంచి సెకండ్ సింగిల్ రిలీజ్ కానుంది.
ఉయ్యాలో ఉయ్యాల సాంగ్ ను సెకండ్ సింగిల్ గా రిలీజ్ చేయనుండగా బాలయ్య, శ్రీలీల ఫ్లాష్ బ్యాక్ కు సంబంధించిన సాంగ్ ఈ సాంగ్ అని తెలుస్తోంది. భగవంత్ కేసరి ట్రైలర్ రిలీజ్ కోసం అభిమానులు ఆసక్తిగా ఎదురుచూస్తుండగా ట్రైలర్ కు సంబంధించి ఎప్పుడు క్లారిటీ వస్తుందో చూడాల్సి ఉంది. అనిల్ రావిపూడి ఈ సినిమాతో మరో సక్సెస్ ను సొంతం చేసుకుంటానని కాన్ఫిడెన్స్ తో ఉన్నారు.
ఈ సినిమాలో బాలయ్య రోల్ కు సంబంధించి క్లారిటీ వచ్చేసింది. అర్జున్ రాంపాల్ బాలయ్యకు విలన్ గా కనిపిస్తున్న సంగతి తెలిసిందే. తెలంగాణ బ్యాక్ డ్రాప్ లో ఈ సినిమా తెరకెక్కుతుండగా గిరిజనుల హక్కుల కొరకు పోరాడే సామాజిక కార్యకర్తగా బాలయ్య పాత్రతో ఈ సినిమా తెరకెక్కుతోందని తెలుస్తోంది. ట్రైలర్ విడుదలైతే బాలయ్య రోల్ కు సంబంధించి పూర్తిస్థాయిలో క్లారిటీ వచ్చే ఛాన్స్ అయితే ఉంది.
120 కోట్ల రూపాయల రేంజ్ లో బిజినెస్ చేసిన ఈ సినిమా విడుదలకు ముందే నిర్మాతలకు 10 కోట్ల రూపాయల టేబుల్ ప్రాఫిట్ అందించింది. ఈ సినిమా కాజల్ రీఎంట్రీ మూవీ కాగా ఈ మూవీ సక్సెస్ సాధిస్తే కాజల్ వరుస ఆఫర్లతో బిజీ అయ్యే ఛాన్స్ ఉంది. శ్రీలీల ఈ సినిమాలో బాలయ్య కూతురి రోల్ లో కనిపించనున్నారని సమాచారం అందుతోంది. భగవంత్ కేసరి బ్లాక్ బస్టర్ హిట్ గా నిలవాలని ఫ్యాన్స్ భావిస్తున్నారు.
స్కంద సినిమా రివ్యూ & రేటింగ్!
చంద్రముఖి 2 సినిమా రివ్యూ & రేటింగ్!
‘బిగ్ బాస్ 7’ కంటెస్టెంట్ ప్రిన్స్ యవార్ గురించి 10 ఆసక్తికర విషయాలు !
