Balakrishna: అలా పిలిస్తే అస్సలు ఒప్పుకోను.. బాలయ్య షాకింగ్ కామెంట్స్ వైరల్!

స్టార్ హీరో నందమూరి బాలకృష్ణ భగవంత్ కేసరి సినిమాతో హ్యాట్రిక్ సాధించారు. చాలా సంవత్సరాల తర్వాత బాలయ్య వరుసగా మూడు విజయాలు సాధించడంతో ఫ్యాన్స్ సంతోషానికి అవధులు లేకుండా పోయాయి. భగవంత్ కేసరి మూవీ సక్సెస్ మీట్ లో బాలయ్య మాట్లాడుతూ కీలక వ్యాఖ్యలు చేశారు. సినిమా సక్సెస్ సాధించడాన్ని మించిన సంతోషం మరేదీ ఉండదని బాలకృష్ణ పేర్కొన్నారు. తన హిట్ సినిమాల గురించి బాలయ్య ప్రస్తావిస్తూ వైవిధ్యమైన పాత్రలు చేస్తున్నానని ఆయన తెలిపారు.

ప్రేక్షకులు కొత్తదనం కోరుకుంటున్నారని బాలయ్య అభిప్రాయం వ్యక్తం చేశారు. నా సినిమాలకు ప్రశంసలు వస్తున్నాయంటే పూర్వజన్మ సుకృతంగా భావిస్తున్నానని ఆయన తెలిపారు. నా సినిమాలకు నా సినిమాలే పోటీ అని బాలయ్య కామెంట్లు చేశారు. బాలయ్య సినిమా అంటే పంచభక్ష్య పరమాన్నంలా ఉండాలని ఫ్యాన్స్ కోరుకుంటారని ఆయన అన్నారు. వయస్సులో నన్ను ఎవరైనా బాబాయ్ అని పిలిస్తే జాగ్రత్తగా ఉండండి దబిడి దిబిడే అని చెబుతానని బాలయ్య చెప్పుకొచ్చారు.

మంచి మెసేజ్ ఉన్న సినిమా కోసం ఎంతైనా కష్టపడాలని ఆయన కామెంట్లు చేశారు. భగవంత్ కేసరి కథ నచ్చిన వెంటనే ఈ సినిమా చేస్తానని అంగీకరించానని బాలయ్య పేర్కొన్నారు . అర్జున్ రాంపాల్ ఎంతో కసితో ఈ సినిమా కోసం చేశారని ఆయన అన్నారు. శరత్ కుమార్ గారు చిన్న పాత్రలో నటించినా ఆ పాత్రకు పూర్తిస్థాయిలో న్యాయం చేశారని బాలయ్య అభిప్రాయం వ్యక్తం చేయడం గమనార్హం.

ముందుముందు ఎన్నో సినిమాలు వస్తాయని బాబీ డైరెక్షన్ లో తెరకెక్కుతున్న సినిమా బ్లడ్ బాత్ కా బ్రాండ్ అని బాలయ్య చేసిన కామెంట్స్ వైరల్ అవుతున్నాయి. తెలుగువాళ్లు ఎక్కడ ఉన్నా బాగుండాలని కోరుకున్నానని బాలయ్య చెప్పుకొచ్చారు. బాలయ్యకు ఊహించని రేంజ్ లో ఫ్యాన్ ఫాలోయింగ్ పెరుగుతోంది. బాలయ్య (Balakrishna) త్వరలో మరిన్ని క్రేజీ ప్రాజెక్ట్ లను ప్రకటించనున్నారని సమాచారం.

మా ఊరి పొలిమేర 2 సినిమా రివ్యూ & రేటింగ్!

కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!