Balakrishna: ఎంత ట్రోల్ చేసినా బాలయ్య సినిమా క్రియేట్ చేసిన రికార్డ్ నెవర్ బిఫోర్..!

నందమూరి బాలకృష్ణ (Nandamuri Balakrishna).. ‘అసలైన సెకండ్ ఇన్నింగ్స్ అంటే ఏంటో.. చూపిస్తాను’ అంటూ ఇప్పటి జనరేషన్ స్టార్ హీరోలకు సవాల్ విసిరిన సంగతి తెలిసిందే. ఆయన చెప్పినట్లుగానే వరుస హిట్లతో దూసుకుపోతున్నారు. ఈ విషయాలు పక్కన పెట్టేస్తే.. ఏ హీరోకైనా జయాపజయాలు సర్వసాధారణం. కానీ బాలయ్య కెరీర్లో డిజాస్టర్లు కూడా ఎక్కువే. కొన్ని సినిమాలు అయితే బాలయ్య.. దారుణంగా ట్రోల్ అయ్యేలా చేశాయి. అందులో ‘పలనాటి బ్రహ్మనాయుడు’ సినిమా ఒకటి. ‘లారీ డ్రైవర్’ ‘రౌడీ ఇన్స్పెక్టర్’ (Rowdy Inspector) వంటి బ్లాక్ బస్టర్స్ ‘సమరసింహారెడ్డి’ (Samarasimha Reddy) ‘నరసింహ నాయుడు’ (Narasimha Naidu) వంటి ఇండస్ట్రీ హిట్స్ తో బాలయ్య రేంజ్ పెంచిన దర్శకుడు బి.గోపాల్ (B. Gopal)..

Balakrishna

తెరకెక్కించిన సినిమా ఇది. అంత గొప్ప ట్రాక్ రికార్డు కలిగిన కాంబినేషన్ నుండి ఒక సినిమా వస్తుంది అంటే అంచనాలు ఏ స్థాయిలో ఉంటాయో ప్రత్యేకించి చెప్పనవసరం లేదు. పైగా ‘ఇంద్ర’ (Indra) వంటి బ్లాక్ బస్టర్ లో హీరోయిన్లుగా చేసిన ఆర్తి అగర్వాల్ (Aarthi Agarwal), సోనాలి బింద్రే (Sonali Bendre) ఇందులో కూడా హీరోయిన్లుగా నటించడం జరిగింది. సినిమాపై హైప్ పెరగడానికి ఇదొక కారణం. ‘భలే వాడివి బాసూ’ (Bhalevadivi Basu) ‘సీమ సింహం’ (Seema Simham) ‘చెన్నకేశవరెడ్డి’ (Chennakesava Reddy) వంటి సినిమాలతో కొంచెం డౌన్లో ఉన్న బాలయ్యకి కచ్చితంగా ‘పలనాటి బ్రహ్మనాయుడు’ (Palnati Brahmanayudu) బ్లాక్ బస్టర్ ఇచ్చి ఆడుకుంటుంది అని అంతా అనుకున్నారు.

కానీ కట్ చేస్తే.. ‘పెనంలో నుండి పొయ్యిలోకి పడినట్టు అయ్యింది బాలయ్య పరిస్థితి’. ‘భలే వాడివి బాసూ’ ‘సీమ సింహం’ ఫ్లాపులుగా మిగిలిపోయినా ‘చెన్నకేశవరెడ్డి’ ఒకింత బాగానే ఆడినా.. ‘పలనాటి బ్రహ్మనాయుడు’ మాత్రం బాలయ్యని ట్రోల్ మెటీరియల్ ను చేసేసింది. ‘తొడగొడితే ట్రైన్ వెనక్కి వెళ్లిపోవడం, విలన్ కుర్చీలో కూర్చుంటే ఆ కుర్చీ హీరో పిలవగానే ముందుకు రావడం, కోడిపుంజు వెళ్ళి రౌడీ ని చంపడం’ అబ్బో ఇలాంటి ఎక్స్ట్రాలు ఇందులో మామూలుగా ఉండవు.బాలయ్యకి అన్ని సూపర్ హిట్లు, ఇండస్ట్రీ హిట్లు ఇచ్చిన బి.గోపాల్ తీసిన సినిమానా? ఇది అని అంతా షాకయ్యేలా చేసింది ఈ సినిమా.

ఓ సందర్భంలో బాలయ్య మాట్లాడుతూ..’ ఏదో డైరెక్టర్ చెప్పారని చేశాను కానీ.. తర్వాత నాకు కూడా అనిపించింది.. తొడగొడితే ట్రైన్ వెనక్కి వెళ్లిపోవడం ఎంటా అని ‘ అంటూ నవ్వుకున్నాడు. ఇక దర్శకుడు బి.గోపాల్ ..’ మా బాలయ్య బాబు బంగారం.. నేను చెప్పింది గుడ్డిగా నమ్మేసి చేసేశాడు. కనీసం అప్పుడు ఓ మాట కూడా నన్ను అడగలేదు.. ఆ సినిమా రిజల్ట్ చూశాక నాకే బాలయ్యని ఫేస్ చేయాలంటే సిగ్గేసింది.

కానీ అతను నన్ను ఆ సినిమా ఫలితం గురించి ఒక్క మాట కూడా అనలేదు’ అంటూ తెలిపారు. అయితే ‘పలనాటి బ్రహ్మనాయుడు’ సినిమా ఎంత డిజాస్టర్ అయినా 92 కేంద్రాల్లో 50 రోజులు, 7 కేంద్రాల్లో 100 రోజులు ఆడింది. ఆ టైంలో బాలయ్య స్టార్ పవర్ కూడా అలా ఉండేది. ఇక ఈ జూన్ 6తో ‘పలనాటి బ్రహ్మనాయుడు’ రిలీజ్ అయ్యి 22 ఏళ్ళు పూర్తి కావస్తోంది.

‘థగ్ లైఫ్’ 2 డేస్ కలెక్షన్స్ 2వ రోజుకే ఇంత డ్రాపా?