నటసింహ నందమూరి బాలకృష్ణ – యంగ్ డైరెక్టర్ గోపిచంద్ మలినేనిల క్రేజీ కాంబోలో.. మైత్రీ మూవీ మేకర్స్ నిర్మిస్తున్న యాక్షన్ అండ్ ఫ్యామిలీ ఎంటర్టైనర్.. ‘వీర సింహా రెడ్డి’.. శృతి హాసన్ హీరోయిన్.. లాల్, ‘దునియా’ విజయ్, వరలక్ష్మీ శరత్ కుమార్, హనీ రోజ్, అజయ్ ఘోష్ కీలక పాత్రల్లో నటిస్తున్నారు.. జనవరి 6 సాయంత్రం ఒంగోలులో ఈ సినిమా ప్రీ రిలీజ్ ఫంక్షన్ అంగరంగ వైభవంగా జరిగింది.. బాలయ్యతో ఇండస్ట్రీ హిట్స్ తీసిన సీనియర్ డైరెక్టర్ బి.గోపాల్ ముఖ్య అతిథిగా విచ్చేసి థియేట్రికల్ ట్రైలర్ రిలీజ్ చేశారు..
దీనికి ప్రేక్షకాభిమానుల నుండి సాలిడ్ రెస్పాన్స్ వస్తోంది.. ఇప్పటికే 5 మిలియన్లకు పైగా వ్యూస్, 300K కి పైగా లైక్స్తో ట్రెండ్ అవుతోంది ట్రైలర్.. ఇక ఫంక్షన్ చివర్లో బాలయ్యను సత్కరించడానికి ఒంగోలుతో పాటు ఇతర ప్రాంతాల నుండి వచ్చిన అభిమానులు వేదికపైకి వచ్చారు.. బాలయ్యకు క్యాలెండర్స్, షీల్డ్స్ లాంటివి అందించి, శాలువాలతో సత్కరించారు.. అధిక సంఖ్యలో వచ్చిన అభిమానులను కట్టడి చేసే క్రమంలో ఓ బౌన్సర్ అత్యుత్సాహం ప్రదర్శించాడు..
బాలయ్యకి దగ్గరగా ఉన్న అభిమానులను గట్టిగా వెనక్కి తోసేశాడు.. దీంతో బాలయ్యకి కోపం వచ్చింది.. అభిమానులను దేవుళ్లుగా భావించే బాలయ్య వారిపై చేయి పడితే ఊరుకుంటాడా?.. వెంటనే ఆ బౌన్సర్ని వెనక్కి నెట్టేశాడు.. ఈ వీడియో నెట్టింట తెగ వైరల్ అవుతోంది.. ‘పదిమందికి పెట్టినా మనమే.. నలుగురిని కొట్టినా మనమే’ అని ‘పైసా వసూల్’ లో చెప్పినట్టు.. బాలయ్యకి కోపం తెప్పిస్తే తప్ప ఆయన ఎవర్నీ ఏమీ అనడు..
అందుకే ఆయనసలు బౌన్సర్లను పెట్టుకోడు.. నా ఫ్యాన్సే నాకు బౌన్సర్లని చెప్తుంటాడు.. అలాంటి ఫ్యాన్స్ మీద, అదీ ఆయన ముందు చెయ్యి వేస్తే ఊరుకుంటాడా.. మా బాలయ్య బంగారం అంటూ నందమూరి అభిమానులు ఈ వీడియోను సామాజిక మాధ్యమాల్లో బాగా వైరల్ చేస్తున్నారు.. జనవరి 12న నటసింహం భారీ అంచనాలతో ‘వీర సింహా రెడ్డి’ గా బాక్సాఫీస్ బరిలోకి దిగబోతున్నాడు..
8 సార్లు ఇంటర్నేషనల్ అవార్డ్స్ తో తెలుగు సినిమా సత్తాను ప్రపంచవ్యాప్తంగా చాటిన రాజమౌళి!
2022 విషాదాలు: ఈ ఏడాది కన్నుమూసిన టాలీవుడ్ సెలబ్రటీల లిస్ట్..!
రోజా టు త్రిష.. అప్పట్లో సంచలనం సృష్టించిన 10 మంది హీరోయిన్ల ఫోటోలు, వీడియోలు..!
హిట్-ప్లాప్స్ తో సంబంధం లేకుండా అత్యధిక వసూళ్లు సాధించిన పది రవితేజ సినిమాలు!
