Unstoppable Season 3: రష్మికకు ప్రపోజ్ చేసిన బాలయ్య?

బాలకృష్ణ వ్యాఖ్యాతగా వ్యవహరిస్తున్నటువంటి అన్ స్టాపబుల్ కార్యక్రమం ప్రస్తుతం మూడవ సీజన్ ప్రసారమవుతున్న సంగతి మనకు తెలిసిందే. మూడవ సీజన్లో భాగంగా రెండవ ఎపిసోడ్లో ఈ కార్యక్రమానికి బాలీవుడ్ నటుడు రణబీర్ కపూర్ నటించిన యానిమల్ టీమ్ హాజరై సందడి చేశారు. ప్రస్తుతం ఈ కార్యక్రమానికి సంబంధించిన ప్రోమో విడుదల కాగా ఇది కాస్త సోషల్ మీడియాలో వైరల్ గా మారింది. కార్యక్రమానికి డైరెక్టర్ సందీప్ రెడ్డి తో పాటు హీరో రణబీర్ కపూర్ హీరోయిన్ రష్మిక కూడా హాజరయ్యారు.

సందీప్ రెడ్డి డైరెక్షన్లో తెరకేక్కిన యానిమల్ సినిమా డిసెంబర్ ఒకటవ తేదీ పాన్ ఇండియా స్థాయిలో విడుదల కాబోతున్న నేపథ్యంలో ప్రమోషన్ కార్యక్రమాలను మొదలుపెట్టారు. ప్రమోషన్లలో భాగంగా చిత్ర బృందం ఈ కార్యక్రమంలో సందడి చేశారు. డైరెక్టర్ సందీప్ రెడ్డి రాగా బాలకృష్ణ తనతో మాట్లాడుతూ పలువురు డైరెక్టర్ల గురించి అడుగుతూ తనని ఇరికించే ప్రయత్నం చేశారు. అనంతరం రణబీర్ కపూర్ కు గ్రాండ్ వెల్కమ్ చెప్పారు..

ఇక రణబీర్ కపూర్ చేత ఫ్లూటు జింక ముందు ఊదు అనే డైలాగ్ చెప్పించారు బాలయ్య అలాగే తనతో కలిసి డాన్సులు వేశారు. నేను ఆగలేక పోతున్నాను అంటూ చేతిలో గులాబీ పువ్వు పట్టుకొని హీరోయిన్ రష్మికను ఆహ్వానించడమే కాకుండా తనకు గులాబీ పువ్వు ఇచ్చి తనతో డాన్స్ చేయడమే కాకుండా తన గుండె కూడా మెలికలు తిరిగిపోతుంది అంటూ బాలయ్య చెప్పినటువంటి డైలాగ్స్ వైరల్ అవుతున్నాయి. ఇకపోతే విజయ్ దేవరకొండకు ఫోన్ చేసి రష్మికతో మాట్లాడించడం హైలైట్ అయింది.

ఇక విజయ్ దేవరకొండ పోస్టర్ తో పాటు యానిమల్ సినిమా పోస్టర్ ప్లే చేస్తూ ఇద్దరిలో ఏ హీరో అంటే ఇష్టము అంటూ రష్మికను ప్రశ్నించారు. మొత్తానికి ఈ కార్యక్రమంలో బాలయ్య యానిమల్ టీమ్ తో పెద్ద ఎత్తున సందడి చేశారని అర్థమవుతుంది. ప్రస్తుతం ఈ కార్యక్రమానికి సంబంధించిన ఈ ప్రోమో వైరల్ కాగా పూర్తి (Unstoppable Season 3)  ఎపిసోడ్ నవంబర్ 24వ తేదీ ప్రసారం కాబోతుందని తెలుస్తుంది.

https://youtu.be/TGvXgNsuQnc?si=hoUYJInQeQaYnUhe

మంగళవారం సినిమా రివ్యూ & రేటింగ్!

స్పార్క్ సినిమా రివ్యూ & రేటింగ్!
సప్త సాగరాలు దాటి సైడ్ బి సినిమా రివ్యూ & రేటింగ్!