Balu Gani Talkies Review in Telugu: బాలు గాని టాకీస్ సినిమా రివ్యూ & రేటింగ్!

ఏమిటా సమస్య? ఆ సమస్యను బాలుగాడు ఎలా ఎదుర్కొన్నాడు? చివరికి ఏం చేశాడు? వంటి ప్రశ్నలకు సమాధానమే “బాలు గాని టాకీస్” కథాంశం.

నటీనటుల పనితీరు: శివ రామచంద్రవరపు మరోసారి తనదైన శైలిలో బాలు పాత్రలో జీవించేశాడు. మనిషిలో ఉండే సహజమైన కపట బుద్ధిని తన కళ్ళతోనే ప్రెజంట్ చేశాడు. శరణ్య శర్మ పల్లెపడుచుగా ఒదిగిపోయింది. తాత పాత్రలో కేతిరి సుధాకర్ రెడ్డి తనదైన కామెడీ టైమింగ్ తో ఆకట్టుకుని, కీలక పాత్ర పోషించాడు.

రఘు కుంచె పాత్రలో ఉన్న విలనిజం ఆయన కళ్ళల్లో కనిపించలేదు. మిగతా సహాయక నటులందరూ తమ తమ పాత్రలకు న్యాయం చేశారు.

సాంకేతికవర్గం పనితీరు: సింక్ సౌండ్ పద్ధతిని ఈ సినిమా కోసం ఫాలో అవ్వడం అనేది.. కొన్ని చోట్ల బాగున్నా, చాలా చోట్ల మాత్రం సరిగా మ్యానేజ్ చేయక చిరాకుపెడుతుంది. సినిమాటోగ్రఫీ వర్క్ & సంగీతం పర్వాలేదు అనే స్థాయిలో ఉన్నాయి. ప్రొడక్షన్ డిజైన్ & ఆర్ట్ వర్క్ గురించి పెద్దగా చెప్పుకోవడానికి ఏమీ లేదు.

ఈ టెక్నికల్ ఇష్యూస్ అన్నిటినీ తనదైన కథనంతో నెట్టుకొచ్చిన దర్శకుడు విశ్వనాథ్ ప్రతాప్ పనితనాన్ని మాత్రం మెచ్చుకోవాలి. తొలి 20 నిమిషాలు చూసి ఏదో సాధారణ సినిమాలే అనుకుంటున్న తరుణంలో.. మంచి ట్విస్ట్ తో కథను మలుపు తిప్పాడు. ట్విస్ట్ ను చివరి వరకు రివీల్ చేయకుండా జాగ్రత్తపడిన పడిన తీరు, చివర్లో ఇచ్చిన జస్టిఫికేషన్ చాలా బాగా వర్కవుట్ అయ్యాయి. సినిమా గురించి ఏమీ తెలియకుండా చూసేవారికి ఒక మంచి అనుభూతినిస్తుంది చిత్రం. దర్శకుడిగా కొన్ని పరిమితులకు తలొగ్గాల్సి వచ్చినా.. రచయితగా తన సత్తాను మాత్రం బలంగా చాటుకున్నాడు. ముఖ్యంగా సినిమాను ముగించిన విధానం ఆకట్టుకుంటుంది. ఒక కథను డిఫరెంట్ గా ప్రెజెంట్ చేసే సత్తా ఉన్న విశ్వనాథ్ ప్రతాప్ కి మంచి అవకాశం లభిస్తే పెద్ద డైరెక్టర్ అవ్వగలడు.

విశ్లేషణ: ఎలాంటి అంచనాలు లేకుండా చూసే సినిమాలు బోర్ కొట్టకుండా.. చివరివరకు ఎంగేజ్ చేస్తే భలే మజా ఉంటుంది. కానీ అది చాలా అరుదుగా జరిగే విషయం. “బాలు గాని టాకీస్” అటువంటి అరుదైన అనుభూతిని ఇస్తుందీ చిత్రం. శివ రామచంద్రవరపు నటన, విశ్వనాథ్ ప్రతాప్ టేకింగ్ & నేటివిటీ కోసం “ఆహా” యాప్ లో ఈ సినిమాను హ్యాపీగా చూడవచ్చు.

ఫోకస్ పాయింట్: బాలు గాని టాకీస్ లొల్లి భలేగుంది!

రేటింగ్: 2.5/5