జై లవకుశపై బండ్ల గణేష్ ఏమన్నారంటే?

యంగ్ టైగర్ ఎన్టీఆర్ తొలి సారి త్రి పాత్రాభినయం చేసిన జై లవకుశ సినిమా సెన్సార్ పూర్తి చేసుకొని రిలీజ్ కావడానికి సిద్ధంగా ఉంది. బాబీ దర్శకత్వంలో తెరకెక్కిన ఈ సినిమా టీజర్స్, ట్రైలర్ తో పాటు పాటలు విశేషంగా ఆకట్టుకున్నాయి. రాజమౌళి, ఇతర సినీ స్టార్స్ జై లవకుశ అద్భుతంగా ఉంటుందని అంచనా వేస్తున్నారు. ఈ సినిమా రికార్డులు సృష్టిస్తుందని, చిత్ర బృందంతో పాటు అభిమానులు కూడా ధీమాగా ఉన్నారు. తాజాగా ఈ చిత్రంపై నటుడు, నిర్మాత బండ్ల గణేష్ స్పందించారు. జై లవకుశ పక్కా బ్లాక్ బస్టర్ అవుతుందని సోషల్ మీడియాలో తన అభిపాయాన్ని వెల్లడించారు.

టెంపర్, నాన్నకు ప్రేమతో, జనతా గ్యారేజ్ సినిమాలతో హ్యాట్రిక్ హిట్ అందుకున్న ఎన్టీఆర్ ఈ సినిమాతో ఆ హ్యాట్రిక్ కొనసాగించాలని ఆకాంక్షించారు. ఎన్టీఆర్ బ్యానర్లో మొదటిసారి తారక్ చేస్తున్న ఈ మూవీకి మహానటుడు నందమూరి తారకరామారావు అశీసులు తప్పకుండా ఉంటాయి. సర్దార్ గబ్బర్ సింగ్ అపజయం నుంచి హిట్ ట్రాక్ లోకి రావడానికి బాబీ ఎంతో కస్టపడి చేసిన జై లవకుశ అందరితో జేజేలు అందుకోవాలని ఫిల్మీ ఫోకస్ ఆశిస్తోంది.

Also, do SUBSCRIBE to our YouTube channel to get latest Tollywood updates.