టాలీవుడ్ స్టార్ హీరోలలో ఒకరైన బాలయ్య ఈ మధ్య కాలంలో వరుస విజయాలను సొంతం చేసుకుంటున్నారు. తన బాడీ లాంగ్వేజ్ కు సూట్ అయ్యే పాత్రలను ఎంచుకోవడం బాలయ్యకు ప్లస్ అవుతోంది. వయస్సుకు తగిన పాత్రలను ఎంచుకోవడం కూడా బాలయ్యకు ప్లస్ అవుతుండటం గమనార్హం. అఖండ, వీరసింహారెడ్డి సినిమాలను మించి భగవంత్ కేసరి విజయాన్ని సొంతం చేసుకుంది. ప్రస్తుతం అమెజాన్ ప్రైమ్ ఓటీటీలో ఈ సినిమా స్ట్రీమింగ్ అవుతుండగా ఈ సినిమా తాజాగా 50 రోజులు పూర్తి చేసుకుంది.
బాలయ్య ఖాతాలో హ్యాట్రిక్ 50 డేస్ సినిమాలు చేరడం రికార్డ్ అని కామెంట్లు వ్యక్తమవుతున్నాయి. భగవంత్ కేసరి సక్సెస్ బాలయ్య క్రేజ్, మార్కెట్, పాపులారిటీని మరింత పెంచిందని అభిప్రాయాలు వినిపిస్తున్నాయి.వరుసగా మాస్ సినిమాలతో బాలయ్య బాక్సాఫీస్ వద్ద సత్తా చాటుతున్నారు. భగవంత్ కేసరి మూవీ 15 సెంటర్లలో అర్ధ శతదినోత్సవం జరుపుకోగా ఇందులో 11 డైరెక్ట్ సెంటర్లు నాలుగు షిప్ట్ ఉన్నాయి.
మదనపల్లి, హిందూపురం, గాజువాక, ఏలూరు, చిలకలూరిపేట, జమ్మలమడుగు, ఆళ్లగడ్డ, నంద్యాల, కర్నూలు, తాడిపత్రి, ధర్మవరంలోని ప్రముఖ థియేటర్లలో భగవంత్ కేసరి 50 రోజులు పూర్తి చేసింది. ఈ సెంటర్లు డైరెక్ట్ సెంటర్లు కాగా షిప్ట్ లో గుంతకల్లు, అనంతపూర్, ఖమ్మం, ఎమ్మిగనూరులోని థియేటర్లలో ఈ సినిమా ప్రదర్శించబడింది. ఈ సినిమాలో తెలంగాణ స్లాంగ్ లో బాలయ్య డైలాగ్స్ చెప్పగా ఆ డైలాగ్స్ ప్రేక్షకులను ఎంతగానో ఆకట్టుకున్నాయి.
తెలంగాణ బ్యాక్ డ్రాప్ లో తెరకెక్కినా ఆంధ్రలో ఎక్కువ సంఖ్యలో థియేటర్లలో (Bhagavanth Kesari) ఈ సినిమా 50 రోజుల పాటు ప్రదర్శించబడింది. బాలయ్య ప్రస్తుతం బాబీ మూవీ షూటింగ్ తో బిజీగా ఉన్నారు. సితార ఎంటర్టైన్మెంట్ బ్యానర్ పై తెరకెక్కుతున్న ఈ సినిమా మరింత స్పెషల్ గా ఉండనుందని తెలుస్తోంది. బాలయ్య రెమ్యునరేషన్ సైతం ఒకింత భారీ రేంజ్ లో ఉందనే సంగతి తెలిసిందే.
హాయ్ నాన్న సినిమా రివ్యూ & రేటింగ్!!
‘ఎక్స్ట్రా ఆర్డినరీ మెన్’ సినిమా రివ్యూ & రేటింగ్!
టాలీవుడ్ స్టార్ హీరోయిన్స్ లో దాగున్న టాలెంట్స్ ఏంటో తెలిస్తే షాక్ అవ్వాల్సిందే..!
