ఈ మధ్యకాలంలో సినిమాలు మంచి సక్సెస్ అయితే నిర్మాతలు దర్శకులకు హీరోలకు ఖరీదైన కార్లను బహుమానంగా ఇస్తున్నటువంటి సంగతి మనకు తెలిసిందే ప్రస్తుతం చిత్ర పరిశ్రమలో ఇది సరికొత్త ట్రెండ్ అవుతుంది. ఇలా ఇప్పటికే ఎంతోమంది డైరెక్టర్లు ఖరీదైన కార్లను బహుమానంగా అందుకున్న సంగతి తెలిసిందే తాజాగా అనిల్ రావిపూడి కూడా నిర్మాత నుంచి ఖరీదైన కారును కానుకగా తీసుకున్నారు. అనిల్ రావిపూడి దర్శకత్వంలో బాలకృష్ణ హీరోగా ప్రేక్షకుల ముందుకు వచ్చిన తాజా చిత్రం భగవంత్ కేసరి.
ఈ సినిమా దసరా పండుగ సందర్భంగా అక్టోబర్ 19వ తేదీ ప్రేక్షకుల ముందుకు వచ్చి బాక్స్ ఆఫీస్ వద్ద అద్భుతమైన విజయాన్ని సొంతం చేసుకుంది. ఈ సినిమాలో బాలకృష్ణకు జోడిగా కాజల్ అగర్వాల్ నటించగా బాలయ్య కూతురు పాత్రలో శ్రీలీలా ఎంతో అద్భుతంగా నటించారు. ఇక ఈ సినిమా థియేటర్లలో మాత్రమే కాకుండా అమెజాన్ ప్రైమ్ వీడియోలో కూడా అద్భుతమైన ఆదరణ సొంతం చేసుకోవడంతో మేకర్స్ ఎంతో సంతోషం వ్యక్తం చేస్తున్నారు.
ఈ క్రమంలోనే ఈ సినిమా నిర్మాణ సంస్థ షైన్ స్క్రీన్ డైరెక్టర్ అనిల్ కి టొయోటా కారును బహుమానంగా అందజేశారు. ప్రస్తుతం ఇందుకు సంబంధించినటువంటి ఫోటోలను నిర్మాణ సంస్థ అధికారక సోషల్ మీడియా ఖాతా ద్వారా తెలియజేశారు.ప్రస్తుతం ఇందుకు సంబంధించినటువంటి ఫోటోలు సోషల్ మీడియాలో వైరల్ గా మారడంతో అనిల్ రావిపూడికి శుభాకాంక్షలు తెలియజేస్తున్నారు.
ఇక అనిల్ రావిపూడి (Anil Ravipudi) తన ఏడవ సినిమాగా బాలకృష్ణ గారితో ఈ సినిమా చేశారు. ఇక ఈ సినిమా కూడా బ్లాక్ బాస్టర్ హిట్గా నిలవడం విశేషం . ఇప్పటివరకు అనిల్ చేసిన ఏడు సినిమాలు కూడా ప్రేక్షకులను సందడి చేయడమే కాకుండా నిర్మాతలకు కూడా మంచి లాభాలను తీసుకువచ్చాయని చెప్పాలి.
ఆదికేశవ్ సినిమా రివ్యూ & రేటింగ్!
కోట బొమ్మాళీ పి.ఎస్ సినిమా రివ్యూ & రేటింగ్!
సౌండ్ పార్టీ సినిమా రివ్యూ & రేటింగ్!
