అక్కడ అతన్ని ఎదుర్కోవడం పవన్ కి ఛాలెంజే..!

పవన్ కమ్ బ్యాక్ మూవీ పింక్ రీమేక్ శరవేగంగా షూటింగ్ జరుపుకుంటుంది. అలాగే ఈ చిత్ర షూటింగ్ చివరి దశకు చేరిందని సమాచారం. ఈ మూవీ చాలా భాగం కోర్ట్ రూమ్ సన్నివేశాలతో నడుస్తుంది. అలాగే చాల తక్కువ సన్నివేశాలు మాత్రమే అవుట్ డోర్ షూట్ చేస్తున్నారు. పవన్ సైతం ఈ చిత్రానికి కేవలం 20 రోజులకు లోపే డేట్స్ ఇచ్చారట. దీనితో దర్శకుడు చాలా త్వరగా చిత్ర చిత్రీకరణ చివరి దశకు తీసుకొచ్చారు. కాగా ఈ చిత్రంలో పవన్ కళ్యాణ్ లాయర్ రోల్ చేస్తున్న సంగతి తెలిసిందే. ముగ్గురు యువతులను ఓ కేసు నుండి చట్టపరంగా కాపాడే లాయర్ గా ఆయన కనిపించనున్నాడు.

ఐతే పవన్ ని కోర్ట్ రూమ్ లో ఎదుర్కొనే వ్యతిరేక వర్గానికి చెందిన లాయర్ గా నటుడు ప్రకాష్ రాజ్ నటిస్తున్నారని సమాచారం. దీనితో సెకండ్ హాఫ్ లో వచ్చే కోర్ట్ రూమ్ సన్నివేశాలు పతాక స్థాయిలో ఉంటాయని తెలుస్తుంది. ఐతే ఎటువంటి పాత్రనైనా అవలీలగా పోషించి వంద శాతం న్యాయం చేసే నటుడిగా పేరున్న ప్రకాష్ రాజ్ ని పవన్ ఏమాత్రం ఎదుర్కోగలడో చూడాలి. వాదప్రతివాదనల సన్నివేశాలలో ప్రకాష్ రాజ్ నటన తారా స్థాయిలో ఉంటుంది అనడంలో సందేహం లేదు. మరి పవన్ మొదటి సారి ఈ పాత్ర చేస్తుండగా అతను ఎంత వరకు పోటీ ఇవ్వగలడు అనేది ఆసక్తికరంగా మారింది. దిల్ రాజు నిర్మిస్తున్న ఈ చిత్రాన్ని దర్శకుడు వేణు శ్రీరామ్ తెరకెక్కిస్తున్నారు. మే నెలలో ఈ చిత్రం విడుదల కానుంది.

Most Recommended Video

‘భీష్మ’ సినిమా రివ్యూ & రేటింగ్!
‘ప్రెజర్ కుక్కర్’ సినిమా రివ్యూ & రేటింగ్!