పాపం రకుల్ కు ఈ దారి కూడా మూసుకుపోయింది…!

రకుల్ ప్రీత్ సింగ్ అతి తక్కువ టైములోనే రాంచరణ్,ఎన్టీఆర్ , అల్లు అర్జున్, మహేష్ బాబు, వంటి స్టార్ హీరోల సరసన నటించే అవకాశం కొట్టేసింది. ఇక మీడియం రేంజ్ హీరోలైన నాగ చైతన్య, సాయి తేజ్ వంటి హీరోల సరసన కూడా నటించేసింది. తమిళంలో కూడా ఈమె పెద్ద ఆఫర్లే దక్కించుకుంది. అయితే విజయాలు, ఈమెకు నటిగా ఆశించిన స్థాయిలో అయితే గుర్తింపు రాలేదు. పైగా అన్నీ గ్లామర్ పాత్రలే చేస్తూ వచ్చింది.

దీంతో ఈమెకు ఆఫర్లు తగ్గుతూనే వచ్చాయి. అందులోనూ ఈమె కోటి పారితోషికానికి తక్కువ అయితే సినిమా ఒప్పుకోదు అనే రూమర్ కూడా ఉంది. ఇదిలా ఉంటే.. ఇప్పుడు ఈమెకు మరో పెద్ద సమస్య వచ్చి పడింది. విషయం ఏమిటంటే… ఇప్పుడు లాక్ డౌన్ కారణంగా థియేటర్ లతో సహా అన్నీ మూతపడ్డాయి. షూటింగ్ లు నిలిచిపోయాయి. రకుల్ చేతిలో ఉన్న సినిమాలు పూర్తి కాలేదు. కొత్త సినిమాలు మొదలుకాలేదు. దాంతో ఈమెకు సినిమాల ద్వారా వచ్చే రాబడి ప్రస్తుతానికి లేదు.

మరోపక్క ఈమె ‘F45’ జిమ్ బిజినెస్ లోకి కూడా ఎంట్రీ ఇచ్చిన సంగతి తెలిసిందే. హైదరాబాద్ మరియు వైజాగ్ లలో ఈ బిజినెస్ ను మొదలు పెట్టింది. అయితే ఇప్పుడు లాక్ డౌన్ కారణంగా గత 45 రోజుల నుండీ ఇవి మూతపడ్డాయి. దాంతో వీటి మైన్టెనెన్స్ అలాగే ఎంప్లాయిస్ జీతాలు వంటివి రకుల్ పే చేయాల్సిందే. ఇలా.. అటు రాబడి లేకుండానే ఖర్చులు కూడా రకుల్ కు ఎక్కువైపోయినట్టు తెలుస్తుంది.

Most Recommended Video

తండ్రికి తగ్గ తనయలు అనిపిస్తున్న డైరెక్టర్స్ కూతుళ్లు!
నిర్మాతలుగా కూడా సత్తా చాటుతున్న టాలీవుడ్ హీరోలు!
టాలీవుడ్ టాప్ హీరోల వరస్ట్ లుక్స్ ఇవే!