సుకుమార్, రామ్ చరణ్ తేజ్.. వీరిద్దరి కాంబినేషన్ అనగానే మెగా అభిమానుల్లో ఓ రేంజ్ లో అంచనాలు మొదలయ్యాయి. ఆ అంచనాలకు అందకుండా సుకుమార్ అడుగులు వేస్తున్నారు. ఇందులో హీరోయిన్ గా సమంతను ఎంచుకోవడంతో సినిమాపై ఆసక్తి పెరిగింది. ఇక టైటిల్ రంగస్థలం 1985 అని పెట్టడం, పాతికేళ్లనాటి కథ.. ఇలా అన్నీ అంశాలు ఊరిస్తున్నాయి. ఇప్పుడు మరో విషయం ఫిల్మ్ నగర్ లో చక్కర్లు కొడుతోంది. బాలీవుడ్ హీరోయిన్, స్పెషల్ సాంగ్ స్పెషలిస్ట్ కరీనా కపూర్ రంగస్థలంలో స్టెప్పులు వేయనున్నట్టు తెలిసింది.
ముందుగా సోనాక్షి సిన్హా, ప్రియాంక చోప్రాలను సంప్రదించగా చివరికి కరీనా ఫైనల్ అయినట్లు సమాచారం. ఆమె సాంగ్ ని త్వరలో తెరకెక్కించనున్నారు. ఆది పినిశెట్టి, జగపతిబాబు, అనసూయ తదితరులు నటిస్తున్న రంగస్థలం1985 సినిమా ఫస్ట్ లుక్ ని దసరాకి పవర్ స్టార్ పవన్ కళ్యాణ్ రిలీజ్ చేయనున్నారు. రాక్ స్టార్ దేవీశ్రీ ప్రసాద్ సంగీతం అందిస్తున్న ఈ మూవీ డిసెంబర్ లో రిలీజ్ కానుంది.
Home