చిరు 151 మూవీలో నటించనున్న బాలీవుడ్ స్టార్ హీరో

ఖైదీ నంబర్ 150 మూవీ విజయం ఇచ్చిన ఉత్సాహంతో మెగాస్టార్ చిరంజీవి 151 సినిమాకు సిద్ధమవుతున్నారు. కొణిదెల ప్రొడక్షన్స్ బ్యానర్లో రామ్ చరణ్ నిర్మిస్తున్న ఈ చిత్రానికి సంబంధించిన పనుల్లో వేగం పుంజుకుంది. స్వాతంత్ర సమరయోధుడు  ఉయ్యాల వాడ నరసింహా రెడ్డి జీవితం ఆధారంగా తెరకెక్కనున్న ఈ సినిమాకి  స్టైలిష్ డైరక్టర్ సురేందర్ రెడ్డి, పరుచూరి బ్రదర్స్ తో కలిసి స్క్ర్పిట్ ని కంప్లీట్ చేశారు. ఇందులో హీరోయిన్ గా శృతిహాసన్ ని పరిశీలిస్తున్న రామ్ చరణ్, విలన్ గా బాలీవుడ్ హీరో అక్షయ్ కుమార్ ని నటింపజేయాలని సంప్రదించారని తెలిసింది.

1840 లో జరిగిన కథలో నటించడానికి యాక్షన్ హీరో అంగీకరించినట్లు సమాచారం. ప్రస్తుతం అక్షయ్ కుమార్ శంకర్ దర్శకత్వంలో తెరకెక్కుతోన్న 2.0 లో విలన్ గా నటిస్తున్నారు. ఈ చిత్ర షూటింగ్ కంప్లీట్ అయిన వెంటనే ఉయ్యాలవాడ కోసం డేట్స్ ఖరారు చేయనున్నట్లు ఫిలిం నగర్ వాసులు చెప్పుకుంటున్నారు. 2018 సంక్రాంతికి రిలీజ్ కానున్న ఈ మూవీ వచ్చే నెల నుంచి సెట్స్ పైకి వెళ్లనుంది.

Also, do SUBSCRIBE to our YouTube channel to get latest Tollywood updates.