శ్రీకాంత్ అడ్డాల దర్శకత్వంలో సూపర్ స్టార్ మహేష్ బాబు నటిస్తున్న తాజా చిత్రం బ్రహ్మోత్సవం. ఈ చిత్రం మే 20 న ప్రేక్షకుల ముందుకు వస్తుండగా.. ఈ చిత్ర శాటిలైట్ హక్కులు భారీ ధరకు అమ్ముడైనట్లు సమాచారం. జిటివి వారు దాదాపు రూ.11.2 కోట్లకు ఈ చిత్ర శాటిలైట్ హక్కులను కొనుగోలు చేశారని ఫిల్మ్ నగర్ వర్గాలు అంటున్నాయి.
గతంలో వచ్చిన ‘శ్రీమంతుడు’ చిత్ర శాటిలైట్ హక్కులను కూడా వీరే కొనుగోలు చేశారు. ఈ చిత్రానికి ప్రేక్షకుల నుంచి వచ్చిన ఆదరణతోనే తాజాగా ఈ చిత్రాన్ని భారీ ధరకు జిటివి వారు కొనుగోలు చేశారని అంటున్నారు. పివిపి సినిమా పతాకంపై నిర్మించిన ఈ చిత్రంలో మహేష్ సరసన కాజల్, సమంత, ప్రణీతలు జంటగా నటిస్తున్నారు.
