స్టార్ డైరెక్టర్ సుకుమార్ తన శిష్యులను ఒక్కొక్కరిగా టాలీవుడ్ కి పరిచయం చేస్తున్నారు. ఈ క్రమంలో ‘ఉప్పెన’ సినిమాతో బుచ్చిబాబు అనే దర్శకుడు టాలీవుడ్ లో ఎంట్రీ ఇచ్చారు. మొదటి సినిమాతోనే భారీ హిట్ అందుకున్నారు. ఈ సినిమా విషయంలో సుకుమార్ చాలా జాగ్రత్తలు తీసుకున్నారు. అయితే బుచ్చిబాబు టేకింగ్ లో కానీ.. క్యారెక్టరైజేషన్ లో కానీ ఎక్కడా సుకుమార్ మార్క్ లేకుండా జాగ్రత్తపడ్డాడు. కానీ ఇప్పుడు రెండో సినిమా విషయంలో మాత్రం అది తప్పడం లేదని తెలుస్తోంది.
ఎన్టీఆర్ హీరోగా బుచ్చిబాబు తన తదుపరి సినిమా చేయనున్న సంగతి తెలిసిందే. మైత్రి మూవీస్ బ్యానర్ పై ఈ సినిమా తెరకెక్కనుంది. ఇదొక స్పోర్ట్స్ డ్రామా అని సమాచారం. ఇందులో ఎన్టీఆర్ కబడ్డీ కోచ్ గా కనిపించబోతున్నాడట. ఈ కథ కూడా 1980 నేపథ్యంలో సాగుతుందని సమాచారం. ఈ సినిమాలో మాత్రం బుచ్చిబాబు.. సుకుమార్ మార్క్ ని దాటి రాలేకపోతున్నాడట. తన సినిమాలో హీరోకి ఏదో ఓ లోపం పెట్టడం సుకుమార్ కి అలవాటు.
‘రంగస్థలం’, ‘పుష్ప’ లాంటి సినిమాల్లో అలానే చేశారు. ఆ సినిమాలు భారీ హిట్లు అందుకున్నాయి. ఇప్పుడు బుచ్చిబాబు కథలో కూడా హీరోకి ఓ లోపం ఉంటుందట. దానిపై ఇప్పుడు దర్శకుడు కసరత్తు చేస్తున్నట్లు సమాచారం. ఆ లోపం హీరోకి, కథకు ప్లస్ అయ్యేలా ఉండాలని సుకుమార్ సలహా ఇచ్చాడట. దానికి తగ్గట్లే బుచ్చిబాబు స్క్రిప్ట్ రాసుకున్నాడని.. ఈ లోపం హీరో క్యారెక్టరైజేషన్ ని బాగా వెయిట్ పెరిగేలా చేస్తుందని అంటున్నారు. ఎన్టీఆర్ ని కూడా కొత్తగా చూపించే ఛాన్స్ ఉంటుంది. ఇంతకీ ఆ లోపం ఏంటో ఇంకొన్నాళ్లు ఆగాల్సిందే!
Most Recommended Video
అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!
Home