Buchi Babu: ప్రతి పెళ్లిలో అలాంటోడు ఒకడుంటాడు.. వాడి కోసం ఆలోచిస్తే ఎలా?

‘పెద్ది’ సినిమా గురించి ఏ ఇద్దరు మాట్లాడుకుంటున్నా.. అందులో కచ్చితంగా వినిపించే మాట ‘సినిమా బాలేదట కదా’, ‘ఏవేవో డైలాగ్‌లు ఉన్నాయట కదా’, ‘హీరోయిన్‌ని బాగా చూపించలేదట కదా’, అనే మాటలు వినిపిస్తున్నాయి. ఎక్కడో ఒక దగ్గర ‘రామ్‌చరణ్‌ బాగా చేశాడట కదా’ అని అంటున్నారు. సినిమా నచ్చడం, నచ్చకపోవడం ఎవరి చేతుల్లోనూ లేదు. అది ఆ సినిమా చూసేవాడి చేతుల్లోనే ఉంది. అయితే సోషల్‌ మీడియాలో సినిమా మీద నెగిటివ్‌ ట్రోలింగ్‌, చర్చ చూసి మాట్లాడేవారు ఎక్కువై అన్నీ ‘అట’తో ముగుస్తున్నాయి.

Peddi

‘ఆట’ గురించి తీసిన సినిమాను ‘అట’తో తొక్కిపట్టే పని జరుగుతోంది అని టాలీవుడ్‌లో చర్చ నడుస్తోంది. రామ్‌చరణ్‌ అంటే ఇష్టపడే వారు, ఆయన కష్టం గురించి తెలిసిన సినీ సెలబ్రిటలీలు తెగ మెచ్చేసుకుంటుంటే.. కొందరు నెటిజన్లు మాత్రం ‘అచ్చియమ్మ పాత్ర చిత్రణ బాలేదు’, ‘పెద్ది గాడి డైలాగ్‌లు బాలేవు’ అంటూ సినిమాను విశ్లేషిస్తున్నారు. నిజానికి సినిమాలో చాలా మైనస్‌లు ఉన్నాయి. ఇబ్బందికర సన్నివేశాలు ఉన్నాయి. సాగదీతలు ఉన్నాయి. కానీ అవేవీ చర్చలోకి రాకుండా కేవలం పాత్ర చిత్రణ మీద గళమెత్తుతున్నారు.

దీంతో ఇదంతా ‘పెద్ది’ సినిమా మీద కావాలని చేస్తున్న పని అనే విమర్శలకు ఊతమిస్తున్నట్ల అయింది. దీనిపై దర్శకుడు బుచ్చిబాబు సానా మాట్లాడుతూ ‘‘ఎక్కడ పెళ్లి జరిగినా ఎవడో ఒకడు వచ్చి, ‘ఇది బాగోలేదు.. అది బాగోలేదు’ అని అంటాడు. అవన్నీ చిన్న చిన్న విషయాలు’’ అని అన్నారు. దాంతో ఈ విషయం ఎలా నడుస్తుందో క్లారిటీ ఇచ్చినట్లు అయింది. మరి ఈ విషయంలో ‘పెద్ది’ ట్రోలర్లు ఎలా రియాక్ట్ అవుతారో చూడాలి.

మరోవైపు ‘పెద్ది’లో కొన్ని సీన్స్‌ యాడ్ చేస్తున్నారు. బుధవారం నుండి ఆ సీన్స్‌ థియేటర్లలో చూడొచ్చు. అందులో జాన్వీ కపూర్‌తో పాటు, జగపతిబాబుకు సన్నివేశాలు యాడ్‌ చేస్తున్నారు. మరి ఆ సన్నివేశాలు ఎలా ఉంటాయో చూడాలి. వాటి మీద ఎలాంటి విమర్శలు వస్తాయో చూడాలి.

సెలబ్రిటీల రాకతో అంగ‌రంగ వైభంగా ‘సేవ్ ది టైగ‌ర్స్’ సీజ‌న్ 3 ప్రీమియ‌ర్‌ గ్రాండ్ సక్సెస్