Chiranjeevi, Divi: గాడ్ ఫాదర్ లో బిగ్ బాస్ దివికి అవకాశం ఇచ్చిన చిరు!

October 6, 2022 / 05:06 PM ISTByFilmy Focus

Join Us

Chiranjeevi, Divi: గాడ్ ఫాదర్ లో బిగ్ బాస్ దివికి అవకాశం ఇచ్చిన చిరు!

టాలీవుడ్ ఇండస్ట్రీలో నటుడిగా ఎంతో మంచి గుర్తింపు సంపాదించుకున్న మెగాస్టార్ చిరంజీవి ఇచ్చిన మాట పై నిలబడతారని విషయం అందరికీ తెలిసిందే. ఇలా ఈయన ఎవరికైనా మాట ఇస్తే ఆ మాటను నెరవేర్చుకోవడానికి ఎక్కువ సమయం తీసుకోరు వెంటనే తన మాటను నిలబెట్టుకుంటారనే విషయం ఎన్నోసార్లు నిరూపించుకున్నారు. ఈ క్రమంలోనే మరోసారి మెగాస్టార్ తన ఇచ్చిన మాటకు కట్టుబడి ఉన్నారని తెలుస్తోంది. తాజాగా చిరంజీవి నటించిన చిత్రం గాడ్ ఫాదర్.

ఎన్నో అంచనాల నడుమ అక్టోబర్ 5వ తేదీ దసరా కానుకగా విడుదలైన ఈ సినిమా బాక్సాఫీస్ వద్ద సూపర్ హిట్ చిత్రంగా నిలిచింది. ఆచార్య లోటుని కూడా గాడ్ ఫాదర్ సినిమా తీర్చిందని చెప్పాలి. ఇక సినిమాలో ఎంతోమంది నటీనటులు నటించారు. ఈ క్రమంలోనే సునీల్ భార్య రేణుక పాత్రలో నటించిన బిగ్ బాస్ బ్యూటీ గురించి మనకు తెలిసిందే. ఈ సినిమా కథను మొత్తం కీలక మలుపు తిప్పే పాత్రలో నటించారని చెప్పాలి.

అయితే ఈమెకు చిరంజీవి గతంలో తన సినిమాలో తప్పకుండా అవకాశం కల్పిస్తానని మాట ఇచ్చారు. తన ఇచ్చిన మాట ప్రకారమే గాడ్ ఫాదర్ సినిమాలో తనకు అవకాశం కల్పించారని తెలుస్తోంది. బిగ్ బాస్ సీజన్ ఫోర్ కార్యక్రమంలో దివి పాల్గొన్న విషయం మనకు తెలిసిందే. ఈ కార్యక్రమం గ్రాండ్ ఫినాలేకు చిరంజీవి ముఖ్య అతిథిగా హాజరయ్యారు.

ఈ గ్రాండ్ ఫినాలే కార్యక్రమంలో భాగంగా దీవితో మాట్లాడిన అనంతరం చిరంజీవి తన సినిమాలో తనకు తప్పకుండా అవకాశం కల్పిస్తానని మాట ఇచ్చారు. అయితే ఇచ్చిన మాటను గాడ్ ఫాదర్ సినిమాతో నిలబెట్టుకున్నారని తనకు ఈ సినిమాలో ఒక పవర్ఫుల్ పాత్రలో నటించే అవకాశం కల్పించారని తెలుస్తోంది. ఏది ఏమైనా చిరంజీవి ఇచ్చిన మాట పై నిలబడతారని మరోసారి ప్రూవ్ చేసుకున్నారు.