కోలీవుడ్ టాలెంటెడ్ దర్శకులలో లోకేష్ కనకరాజ్ ఒకరు. వైవిధ్యమైన చిత్రాలతో ఆయన సూపర్ హిట్స్ అందుకున్నారు. ఆయన గత చిత్రం ఖైదీ భారీ విజయం అందుకుంది. కామెడీ, హీరోయిన్, సాంగ్స్ వంటి కమర్షియల్ అంశాలు లేకుండా తెరకెక్కిన ఖైదీ అంత పెద్ద విజయం అందుకోవడం అందరినీ ఆశ్చర్యానికి గురిచేసింది. ఇక ప్రస్తుతం లోకేష్ కనకరాజ్ హీరో విజయ్ తో ఓ భారీ యాక్షన్ ఎంటర్టైనర్ చేస్తున్నారు. మాస్టర్ అనే టైటిల్ తో తెరకెక్కుతున్న ఈ చిత్ర షూటింగ్ చివరి దశలో ఉంది. కాగా లోకేష్ కానగరాజ్ టాలీవుడ్ నుండి ఓ భారీ ఆఫర్ అందుకున్నారని వార్తలు వినిపిస్తున్నాయి.
టాలీవుడ్ ప్రముఖ నిర్మాణ సంస్థ మైత్రి మూవీ మేకర్స్ ఓ మూవీ చేయడానికి లోకేష్ తో ఒప్పందం కుదుర్చుకుందట. ఆ మూవీలో హీరోగా మహేష్ నటించనున్నాడని సమాచారం అందుతుంది. ప్రస్తుతం దర్శకుడు పరుశురాం తో సర్కారు వారి పాట మూవీ చేస్తున్న మహేష్ తరవాత లోకేష్ కనగరాజ్ మూవీ పూర్తి చేసే అవకాశం కలదట. ఈ మూవీ తరువాత లేదా ఏక కాలంలో రాజమౌళి మూవీలో పాల్గొంటారట. దీనిపై అధికారిక ప్రకటన లేకున్నప్పటికీ పరిశ్రమలో గట్టిగా వినిపిస్తుంది.
మహేష్ ఫ్యాన్స్ మాత్రం ఈ ప్రాజెక్ట్ పై చాలా ఆసక్తిగా ఉన్నట్లు తెలుస్తుంది. ఇక మహేష్ సర్కారు వారి పాట సెప్టెంబర్ నుండి సెట్స్ పైకి వెళ్లనుంది. ఈ మూవీలో కీర్తి సురేష్ హీరోయిన్ గా నటిస్తుండగా, థమన్ స్వరాలు అందిస్తున్నారు. మైత్రి మూవీ మేకర్స్, 14 రీల్స్ ప్లస్ మరియు జిఎంబి ఎంటర్టైన్మెంట్స్ కలిసి నిర్మిస్తున్నాయి.
Most Recommended Video
ఎక్కువ రోజులు థియేటర్స్ లో ప్రదర్శింపబడిన సినిమాల లిస్ట్!
విడుదల కాకుండానే పైరసీ భారిన పడ్డ సినిమాలు ఎవేవంటే..?
ఈ బుల్లితెర నటీమణుల పారితోషికాలు ఎంతో తెలిస్తే షాక్ అవ్వాల్సిందే..!
