అక్కినేని నాగచైతన్య, సమంత ఇద్దరూ ప్రేమలో ఉన్న సంగతి అందరికి తెలుసు. అయితే వారిద్దరి నోటినుంచి ఆ మాట వినాలని అక్కినేని అభిమానులు ఎప్పటి నుంచో ఎదురు చూస్తున్నారు. కానీ ఆ విషయం ప్రేమకు పట్టాభిషేకం చేసిన దర్శకరత్న దాసరి నారాయణరావు ప్రస్తావించడం పై చప్పట్లు మారుమోగాయి. మంగళ వారం అక్కినేని నాగేశ్వరరావు జయంతిని పురస్కరించుకొని నాగచైతన్య కొత్త చిత్రం ప్రేమమ్ ఆడియో రిలీజ్ వేడుకను నిర్వహించారు.
ఈ కార్యక్రమానికి ముఖ్య అతిథిగా హాజరైన దాసరి సరదాగా మాట్లాడారు. చైతూ గురించి వివరిస్తూ‘‘చైతూలో నాకు నటుడు కనిపించదు. మనింట్లో ఆఖరి పిల్లోడుగా తమాషాగా ఉంటాడు. మాటలతో, నవ్వుతో పడేస్తాడు. ఆ నవ్వులోనే ఏదో మాయ ఉంది. అలా నవ్వుతూనే ఓ హీరోయిన్‌ని పడేశాడు’’ అని చెప్పి హాల్ ని అభిమానుల కేరింతలతో నింపారు. అంతేకాదు సమంత పేరు చెప్పకుండానే “ఏం మాయ చేసావేతో ఆ హీరోయిన్‌ కూడా మాయ చేసింది” అంటూ పరోక్షంగా ఆమె ప్రస్తావన తీసుకొచ్చారు.
