నాన్నకు ప్రేమతో డైరెక్టర్ సుకుమార్, మెగా పవర్ స్టార్ రామ్ చరణ్ కలయికలో తెరకెక్కనున్న సినిమాకు సంగీత దర్శకుడిగా దేవి శ్రీ ప్రసాద్ ఓకే అయ్యారు. సైన్స్ ఫిక్షన్ జాన్రలో సాగే సినిమాకు దేవి శ్రీ ప్రసాద్ మ్యూజిక్ ప్లస్ కానుంది. ఇదివరకు ఎవడు సినిమాకు దేవి మ్యూజిక్ ఇచ్చాడు. హిట్ సాధించింది. మళ్లీ వీరిద్దరి కాంబినేషన్ ఆసక్తి రేపుతోంది.
ప్రస్తుతం రామ్ చరణ్ “రేసు గుర్రం” సురేందర్ రెడ్డి దర్శకత్వంలో ఒక సినిమాను చేస్తున్నారు. ధ్రువ వర్కింగ్ టైటిల్ గా చెప్పుకుంటున్నాఈ సినిమాను వేగంగా పూర్తి చేసి ఆగస్ట్ లో రిలీజ్ చేయాలని భావిస్తున్నారు. ఆ తర్వాత రెస్ట్ అని టైం వేస్ట్ చేసుకోకుండా సుకుమార్ దర్శకత్వంలో నటించాలని రామ్ చరణ్ అనుకుంటున్నాడు. అందుకే ఒక సినిమా షూటింగ్ దశలో ఉండగానే మరో సినిమా గురించి నిర్ణయాలను చక చక తీసుకుంటున్నాడు. ఆగస్ట్ 22 చిరంజీవి పుట్టిన రోజున సుకుమార్ సినిమా షూటింగ్ మొదలు పెట్టాలని చరణ్ తన టీం కి చెప్పినట్లు తెలిసింది.
ప్రస్తుతం సుకుమార్ కుమారి 21 f సినిమాను కన్నడ లో రీమేక్ చేసే పనిలో బిజీ గా ఉన్నారు. దీనిని త్వరలోనే పూర్తి చేసి చరణ్ సినిమా కోసం రెడీ గా ఉండనున్నారు. దేవిశ్రీ ప్రసాద్ మెగా స్టార్ చిరంజీవి కత్తి లాంటోడు సినిమాకు స్వర కల్పనలో బిజీగా ఉన్నారు. ఆ పని పూర్తి కాగానే చరణ్ సినిమాకు మ్యూజిక్ కంపోజ్ చేయనున్నారు.
