Dhanush – Venky Atluri: అప్పుడు టీచర్‌ని చేశాడు.. ఇప్పుడు పోలీసుని చేస్తానంటున్నారు

తీసినవి ఆరు సినిమాలే.. అందులో వచ్చినవి ఐదు సినిమాలే. ఆ ఐదికి ఐదు డిఫరెంట్‌ జోనర్‌లో చేస్తూ వచ్చారు యువ దర్శకుడు వెంకీ అట్లూరి. ఇప్పుడు తన ఆరో సినిమాను కూడా డిఫరెంట్‌ జోనర్‌లో, డిఫరెంట్‌ కాన్సెప్ట్‌తో తెరకెక్కిస్తున్నారు. అదే సూర్య – మమితా బైజు జంటగా నటించిన ఏజ్‌ గ్యాప్‌ లవ్‌ స్టోరీ ‘విశ్వనాథ్‌ అండ్‌ సన్స్‌’. ఈ సినిమా ఆగస్టు 14న విడుదల కాబోతోంది. అయితే ఇప్పుడు టాపిక్‌ ఆ సినిమా కాదు. ఆ తర్వాత వెంకీ తీయబోయే సినిమా.

Dhanush – Venky Atluri

‘విశ్వనాథ్‌ అండ్‌ సన్స్‌’ సినిమా ప్రచారంలో భాగంగా వెంకీకి ఓ ప్రశ్న ఎదురైంది. ధనుష్‌ని ఇప్పటికే ‘సార్‌’ని చేశారు.. నెక్స్ట్‌ ఛాన్స్‌ వస్తే ఏం చేస్తారు అని అడిగారు. అలా ధనుష్‌ – వెంకీ కొత్త సినిమా విషయం బయటకు వచ్చింది. ధనుష్‌ కోసం ఓ కథ రాయాలి. ‘విశ్వనాథ్‌ అండ్‌ సన్స్‌’ అయిపోయాక ఆ సినిమా పనులు పూర్తి స్థాయిలో మొదలుపెడతాను. బేసిక్‌ కథాలోచన అయితే ఉంది. ఆ ఐడియాను ధనుష్‌కి కూడా చెప్పాను అని తెలిపారు వెంకీ.

ఈసారి ధనుష్‌ను పోలీసుగా చూపించబోతున్నాడు. ఓ ప్రాపర్‌ పోలీసు బ్యాక్‌డ్రాప్‌ పెట్టుకుని కథను సిద్ధం చేస్తాను అని చెప్పారు. అంటే ‘సార్‌’ని ఇప్పుడు పోలీసు చేస్తున్నారు వెంకీ అట్లూరి. అన్నట్లు ధనుష్‌కి కథ రాసేటప్పుడు జాగ్రత్తగా ఉండాలి అని కామెంట్ చేశారు వెంకీ. ఆయన స్వతహాగా దర్శకుడు కదా.. అందుకే కథ చెప్పేటప్పుడు పూర్తి స్థాయిలో సన్నద్ధం అయి వెళ్లాలి అని నవ్వేశారు వెంకీ అట్లూరి.

తొలినాళ్లలో ప్రేమ కథలు, ఫ్యామిలీ కథలు తీసిన వెంకీ ‘సార్‌’ సినిమాతో సమాజంలోని తక్కువ మంది చర్చించిన అంశాలను సినిమాగా తీయడం స్టార్ట్‌ చేశారు. అవే ‘సార్‌’, ‘లక్కీ భాస్కర్‌’. మరిప్పుడు పోలీసు అంటున్నారు. ఆ శాఖలో ఎవరూ చర్చించని అంశమా.. లేక తన స్టైల్‌లో కాకుండా మాస్‌ పోలీసు కథనా అనేది చూడాలి.

ఏంటీ నిజమా.. మూడో ‘బాహుబలి’కి కొబ్బరికాయ కొట్టేస్తున్నారా?