పవర్ స్టార్ పవన్ కళ్యాణ్ తిరిగి సినిమాల్లోకి రీ ఎంట్రీ ఇస్తూ ‘వకీల్ సాబ్’ చిత్రం చేస్తోన్న సంగతి తెలిసిందే. వేణు శ్రీరామ్ డైరెక్ట్ చేస్తున్న ఈ చిత్రాన్ని దిల్ రాజు, బోణి కపూర్ లు కలిసి నిర్మిస్తున్నారు. నిజానికి మే 15న ఈ చిత్రాన్ని విడుదల చెయ్యాలని భావించారు. కానీ కరోనా వైరస్ వల్ల ఏర్పడిన లాక్ డౌన్ వల్ల అది వర్కౌట్ కాలేదు. ఇంకా ఈ చిత్రానికి సంబంధించి 20శాతం షూటింగ్ బ్యాలన్స్ ఉంది. ‘పింక్’ కు రీమేక్ గా ఈ చిత్రం రూపొందుతోన్న సంగతి తెలిసిందే.
ఈ విషయాన్ని పక్కన పెట్టేస్తే.. ఇప్పట్లో థియేటర్లు తెరుచుకునే పరిస్థితులు కనిపించని నేపథ్యంలో.. ‘వకీల్ సాబ్’ ను ఓటిటిలో విడుదల చేస్తున్నట్టు ప్రచారం జరుగుతుంది. అయితే ఈ విషయం పై దిల్ రాజు.. తన సన్నిహితుల ద్వారా క్లారిటీ ఇచ్చినట్టు సమాచారం. ‘పవన్ కళ్యాణ్ గారితో సినిమా చెయ్యాలని..నిర్మాత దిల్ రాజు గారు 20 ఏళ్లుగా ఎదురుచూస్తున్నారు. ఆయన ‘బద్రి’ సినిమా టైం నుండీ పవన్ కళ్యాణ్ గారి సినిమా నిర్మించాలని దిల్ రాజు గారికి కోరిక. ఇన్నాళ్టికి ఆ కోరిక నెరవేరబోతోంది.
ఈ చిత్రాన్ని ఓటిటిలో విడుదల చెయ్యమని భారీ ఆఫర్ వచ్చిన సంగతి వాస్తవమే.అయితే ఆ ఆఫర్ కు టెంప్ట్ అయ్యి ఓటిటిలో విడుదల చేసేంత పిచ్చి పని ఆయన చెయ్యరు. లేట్ అయినా సరే ‘వకీల్ సాబ్’ థియేటర్లలోనే చూస్తారు. మీరు కూడా అందుకు ప్రిపేర్ అయ్యి ఉండండి’ అంటూ దిల్ రాజు చెప్పినట్టు ఆయన సన్నితులు తెలిపారు.
Most Recommended Video
బిగ్బాస్ 4 కంటెస్టెంట్స్ గురించి మీకు తెలియని ఆసక్తికరమైన విషయాలు!
బిగ్బాస్ 4 హైలెట్స్: బిగ్బాస్ ఇలా రోజూ అయితే కష్టమే!
బిగ్బాస్ 4: ఇంట్లో వాళ్లు ఒకరు… బయటి నుంచి ముగ్గురట!
