Dil Raju: దిల్ రాజుకి కొత్త సమస్య..!

టాలీవుడ్ నిర్మాతలకు ఈ మధ్యకాలంలో ఏదీ కలిసి రావడం లేదు. పెద్ద పెద్ద బ్యానర్లు, ఎంతో అనుభవం ఉన్న నిర్మాతలకు కూడా దెబ్బ మీద దెబ్బ తగులుతోంది. దిల్ రాజు లాంటి నిర్మాత కూడా ఇందుకు మినహాయింపు కాదు. ఆయనకు తాజాగా ‘థాంక్యూ’ సినిమా రూపంలో పెద్ద షాకే తగిలింది. దీనికంటే ముందు వచ్చిన ‘ఎఫ్-3’ కూడా అంచనాలను అందుకోలేకపోయింది. కొంతమేర నష్టాలను మిగిల్చింది. మరోపక్క దిల్ రాజు బాలీవుడ్ లో నిర్మించిన ‘జెర్సీ’, ‘హిట్’ సినిమాలు కూడా వర్కవుట్ కాలేదు.

మొన్నామధ్య వరుస ప్లాప్ ల నేపథ్యంలో ప్రొడక్షన్ లో ఉన్న సినిమాలను ఆపామని.. రివ్యూ చేసుకుంటున్నామని దిల్ రాజు చెప్పిన సంగతి తెలిసిందే. ఇది ‘థాంక్యూ’ రిలీజ్ కి ఆయన చెప్పిన మాట. ఇప్పుడు సినిమాకి నెగెటివ్ టాక్ వచ్చింది కాబట్టి ఆయన మరింత టెన్షన్ పడుతున్నారు. ఇప్పుడు ఆయన చుట్టూ కూడా అలాంటి పరిస్థితులే చోటుచేసుకుంటున్నాయి. ప్రస్తుతం దిల్ రాజు నిర్మాణంలో రామ్ చరణ్ హీరోగా ఓ సినిమా తెరకెక్కిస్తోన్న సంగతి తెలిసిందే.

దీన్ని దర్శకుడు శంకర్ రూపొందిస్తున్నారు. అయితే ఇప్పుడు ‘ఇండియన్ 2’ సినిమా టీమ్ నుంచి శంకర్ కి ఒత్తిడి ఎక్కువైనట్లు సమాచారం. కమల్ హాసన్ హీరోగా లైకా ప్రొడక్షన్ లో మొదలైన ఈ సినిమా అరవై శాతం చిత్రీకరణ పూర్తి చేసుకుంది. ఆ తరువాత కొన్ని సమస్యల కారణంగా సినిమా షూటింగ్ ఆగిపోయింది. ఇప్పుడు ఈ సినిమాను తిరిగి మొదలుపెట్టడానికి కమల్ రెడీగా ఉన్నారు. నిర్మాతలు.. శంకర్ తో మాట్లాడి డేట్స్ సర్దుబాటు చేస్తున్నట్లు సమాచారం.

‘RC15’ సినిమాకి సమాంతరంగా ‘ఇండియన్ 2’ సినిమా కూడా చేసేలా ఒత్తిడి తీసుకొస్తున్నారు. నెలలో కొన్ని రోజులు చరణ్ సినిమా కోసం మరికొన్ని రోజులు కమల్ సినిమా కోసం కేటాయించక తప్పేలా లేదు. అయితే శంకర్ ఫోకస్ కమల్ సినిమా వైపు షిఫ్ట్ అయితే.. తన సినిమా అవుట్ పుట్ దెబ్బ తినొచ్చని, రిలీజ్ డేట్ కూడా లేట్ కావొచ్చని.. దిల్ రాజు టెన్షన్ పడుతున్నట్లు సమాచారం.

రామారావు ఆన్ డ్యూటీ సినిమా రివ్యూ & రేటింగ్!

Most Recommended Video

అసలు ఎవరీ శరవణన్.. ? ‘ది లెజెండ్’ హీరో గురించి ఆసక్తికర 10 విషయాలు..!
ఈ 10 మంది దర్శకులు ఇంకా ప్లాపు మొహం చూడలేదు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?