Vakeel Saab: పవన్ మూవీతో సోదరుడి కొడుకుని హీరోగా పరిచయం చేస్తున్నాడట..!

పవర్ స్టార్ పవన్ కళ్యాణ్‌ నుండీ 3 ఏళ్ళ తరువాత రాబోతున్న సినిమా ‘వకీల్ సాబ్’. ఏప్రిల్ 9న అంటే ఈ శుక్రవారం నాడు ప్రపంచవ్యాప్తంగా విడుదల కాబోతుంది. వేణు శ్రీరామ్ డైరెక్ట్ చేసిన ఈ చిత్రాన్ని దిల్ రాజు, బోణి కపూర్ లు కలిసి నిర్మించారు. ఇదిలా ఉండగా..నిర్మాత దిల్ రాజు తెలివితేటల గురించి ప్రత్యేకించి వర్ణించాల్సిన పనిలేదు. ఓ పక్క పెద్ద సినిమాలను తెరకెక్కిస్తూనే పక్కన పలు చిన్న సినిమాలను కూడా తెరకెక్కిస్తూ ఉంటాడు. ఆ చిన్న సినిమాల ప్రమోషన్ కోసం పెద్ద హీరోని అలాగే అతని సినిమాని వాడేస్తూ ఉంటాడు.

ఇప్పుడు కూడా తెలుగు, హిందీ భాషల్లో కలిపి దిల్ రాజు 10 సినిమాలను నిర్మించబోతున్నాడు. అందులో ‘రౌడీ బోయ్స్’ అనే చిత్రం కూడా ఒకటి. దిల్ రాజు సోదరుడు మరియు ప్రముఖ నిర్మాత అయిన శిరీష్ కొడుకు ఆషిష్ ఈ చిత్రం ద్వారా హీరోగా పరిచయమవుతున్నాడు. అనుపమా పరమేశ్వరన్ హీరోయిన్ కాగా దేవిశ్రీ ప్రసాద్ సంగీతాన్ని, మది సినిమాటోగ్రఫీని అందిస్తుండడం విశేషం. ‘హుషారు’ ని తెరకెక్కించిన హర్ష దీనికి దర్శకుడు.

ఇక శుక్రవారం నాడు విడుదల కాబోతున్న ‘వకీల్ సాబ్’ సినిమా ప్రదర్శింపబడుతున్న థియేటర్లలో ఆషిష్ ‘రౌడీబోయ్స్’కు సంబంధించిన ఇంట్రో ప్రోమోని విడుదల చేయబోతున్నాడట దిల్ రాజు. దాంతో ప్రేక్షకుల దృష్టిలో ఆషిష్ పడినట్టే..! అతని పేరు ప్రతీ ఒక్కరి నోట్లోనూ నానుతుంది. దిల్ రాజా.. మజాకా..! ఇంకో విషయం ఏంటంటే.. అప్పుడే ఆషిష్ రెండో సినిమా కూడా సైలెంట్ గా మొదలైపోయిందట.

Most Recommended Video

వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!