Dimple Hayathi, Pawan Kalyan: పవన్‌ సినిమాలో డింపుల్‌ ఛాన్స్‌ అందుకుందా!

‘గద్దలకొండ గణేష్‌’ సినిమాలో హీరోయిన్‌గా చేయాల్సిన అమ్మాయి… అనుకోని కారణాల వల్ల ఐటెమ్‌ సాంగ్‌ చేసింది. ఇదంతా డింపుల్‌ హయాతి గురించే. ఇటీవల ‘ఖిలాడీ’ సినిమాతో ప్రేక్షకుల ముందుకొచ్చిన ఈ ముద్దుగుమ్మ అందాల ప్రదర్శన విషయంలో ‘తగ్గేదేలే’ అంటూ అదరగొట్టింది. అయితే స్క్రీన్‌ అప్పీయరెన్స్‌ విషయంలో కాస్త తక్కువ మార్కులే పడ్డాయి. అయినప్పటికీ పవన్‌ కల్యాణ్‌ సినిమాలో మార్కులు కొట్టేసిందా? అవుననే అంటున్నాయి టాలీవుడ్‌ వర్గాలు. రీఎంట్రీలో భాగంగా ఐటెమ్‌ సాంగ్‌ ఛాన్స్‌ ఇచ్చిన హరీష్‌ శంకర్ సినిమాలో డింపుల్‌ హీరోయిన్‌ ఛాన్స్‌ కొట్టేసిందట.

Click Here To Watch

పవన్‌ కల్యాణ్‌ – హరీశ్‌ శంకర్‌ కాంబినేషన్‌లో ‘భవదీయుడు భగత్‌సింగ్‌’ అనే సినిమా రూపొందనున్న విషయం తెలిసిందే. మైత్రీ మూవీ మేకర్స్‌ ఈ సినిమా నిర్మిస్తున్నారు. త్వరలో ఈ సినిమా షూటింగ్‌ ప్రారంభమవుతుంది. ఈ సినిమాలోనే ఓ నాయికగా డింపుల్‌ హయాతీ ఛాన్స్‌ సంపాదించింది అంటున్నారు. ఇప్పటికే పూజా హెగ్డేను ఓ నాయికగా ఎంచుకున్నారు. డింపుల్‌ రెండో నాయిక అన్నమాట. నిజానికి ‘ఖిలాడీ’ సినిమా విడుదలకు ముందు డింపుల్‌ ఓకే చేసిన కొన్ని సినిమాలు వెనక్కి వెళ్లిపోతున్నట్లు వార్తలొస్తున్నాయి.

గోపీచంద్‌ – శ్రీవాస్‌ సినిమాలో నాయికగా డింపుల్‌ హయాతీనే అనుకున్నారు. ఆ మధ్య వార్తలొచ్చాయి కూడా. అయితే ఆ సినిమా నుండి ఆమెను తప్పించారని వార్తలొస్తున్నాయి. ఈలోగా పవన్‌ కల్యాణ్‌ సినిమాలో ఓకే అయ్యిందని వార్తలు రావడం ఆమె కెరీర్‌కు పెద్ద బూస్టే అని చెప్పొచ్చు. పవన్‌ సినిమాలో ఓకే అయ్యిందంటే… మిగిలిన దర్శకనిర్మాతలు మరోసారి ఇటోక లుక్‌ వేస్తారు. ఒకవేళ పవన్‌ సినిమా ఓకే అయ్యింది అంటే… వరుస సినిమాలు సైన్‌ చేసే అవకాశం అయితే వస్తుంది.

అయితే మరి పవన్‌ సినిమా విషయం పక్కానా కాదా అనేది చూడాలి. కెరీర్‌ అగమ్యగోచరంగా ఉన్నప్పుడు హరీశ్‌ శంకర్‌ తనకు దన్నుగా నిలిచారని డింపుల్‌ గతంలో ఓ సందర్భంలో చెప్పింది. ఇప్పుడు ‘ఖిలాడీ’తో కెరీర్‌ను ఫుల్‌ స్వింగ్‌లో పెడదాం అనుకుంది. అయితే సినిమా ఫలితం బెడిసికొట్టడంతో ఆమె మళ్లీ డౌన్‌ అయిపోయింది. ఐటెమ్‌ సాంగ్‌ ఆమెకు టాలీవుడ్‌లోకి రీఎంట్రీ ఇప్పించిన హరీశ్‌ శంకర్‌ నాయికగా రీఎంట్రీ ఇప్పిస్తారా?

భామా కలాపం సినిమా రివ్యూ & రేటింగ్!

Most Recommended Video

ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!