అనిల్ రావిపూడి కొత్త స్కెచ్.. చరణ్ తోనేనట..!

అపజయమెరుగని దర్శకుల లిస్ట్ లో అనిల్ రావిపూడి కూడా చేరుకున్నాడు. ‘పటాస్’ ‘సుప్రీమ్’ ‘రాజా ది గ్రేట్’ ‘ఎఫ్2’ ‘సరిలేరు నీకెవ్వరు’ ఇలా ఇతను తెరకెక్కించిన అన్ని సినిమాలు కూడా సూపర్ హిట్లే..! పక్క కమర్షియల్ ఎంటర్టైనర్స్ ను తెరకెక్కించడంలో సిద్ధహస్తుడు. ఇదిలా ఉండగా.. అనిల్ రావిపూడి త్వరలోనే బాలీవుడ్ ఎంట్రీ ఇవ్వడానికి రెడీ అవుతున్నాడా? అంటే అవుననే సమాధానం ఎక్కువగా వినిపిస్తుంది. ఈ కుర్ర డైరెక్టర్ ప్రస్తుతం ‘ఎఫ్2’ సీక్వెల్ అయిన ‘ఎఫ్3’ ని తెరకెక్కిస్తున్నాడు.

దిల్ రాజు ఈ చిత్రానికి నిర్మాత. నిజానికి గతేడాదే ఈ చిత్రాన్ని ప్రారంభించి.. ఈ 2021 సంక్రాంతికి విడుదల చెయ్యాలని ప్లాన్ చేశారు. కానీ కరోనా వలన కుదర్లేదు. దాంతో సమ్మర్ కు ఈ చిత్రాన్ని విడుదల చెయ్యడానికి ప్లాన్ చేస్తున్నారు. సరే ఈ విషయాలను పక్కన పెట్టేస్తే.. అసలు అనిల్ రావిపూడి బాలీవుడ్ ఎంట్రీ ఎప్పుడు ఇవ్వబోతున్నాడు. ఏ హీరోతో ఇవ్వబోతున్నాడు అనేగా మీ డౌట్..? మేటర్లోకి వెళితే..రాజమౌళి డైరెక్షన్లో ‘ఆర్.ఆర్.ఆర్’ చేస్తున్న రాంచరణ్..

ఆ తరువాత అనిల్ డైరెక్షన్లోనే సినిమా చేసే అవకాశం ఉందట. ఆ చిత్రం తెలుగుతో పాటు హిందీ ప్రేక్షకులను కూడా టార్గెట్ చేసే విధంగా ఉంటుందని ఇన్సైడ్ టాక్. అన్నీ కుదిరితే పాన్ ఇండియా వైడ్ రిలీజ్ చెయ్యాలని ప్లాన్లు కూడా జరుగుతున్నాయి. అనిల్ రావిపూడి డైరెక్షన్ కచ్చితంగా బాలీవుడ్ ప్రేక్షకులను మెప్పించే విధంగా ఉంటుందని భావించి చిరు,చరణ్ లు ఈ నిర్ణయం తీసుకున్నట్టు సమాచారం.

Most Recommended Video

మాస్టర్ సినిమా రివ్యూ& రేటింగ్!
రెడ్ సినిమా రివ్యూ & రేటింగ్!
క్రాక్ సినిమా రివ్యూ & రేటింగ్!