మహా నటుడు ఎన్టీఆర్ జీవిత చరిత్రను తెరకెక్కించేది అతనే !!

మహా నటుడు, తెలుగుదేశం పార్టీ వ్యవస్థాపకుడు నందమూరి తారకరామారావు జీవిత చరిత్రపై సినిమాను తీస్తానని ఆయన తనయుడు నటసింహ నందమూరి బాలకృష్ణ చెప్పడంతో నందమూరి అభిమానులు సంబర పడ్డారు. తెలుగు వారి ప్రాముఖ్యతను ప్రపంచానికి చాటిన ఆ మహానుభావుడి కథను ఎవరు తెరకెక్కిస్తారు? నిర్మాత ఎవరు అనే విషయాలు తెలుసుకోవాలని ఆరాటపడ్డారు. ఇంతకీ సినిమా ఎప్పుడు మొదలవుతుందని ఆరా తీయడం మొదలెట్టారు. వీటన్నింటికీ సమాధానం దొరికింది. ఈ చిత్రానికి డైరక్టర్ గా పూరి జగన్నాథ్ ఫిక్స్ అయ్యారని ఫిల్మ్ నగర్ వాసులు చెబుతున్నారు.

స్క్రిప్ట్ పని కూడా పూరి  మొదలు పెట్టేశారని సమాచారం. ఎన్టీఆర్ గా బాలకృష్ణ నటించనున్న ఈ మూవీని భారీ బడ్జెట్ తో నిర్మించడానికి ప్రముఖ వ్యాపారవేత్త విష్ణు ఇందూరి ముందుకు వచ్చినట్లు తెలిసింది. ఈయన సీనియర్ ఎన్టీఆర్ కి పెద్ద ఫ్యాన్. ఇక ఎన్టీఆర్ జయంతి మే 28న ఈ సినిమాను సెట్స్ పైకి తీసుకెళ్లాలనే ఆలోచనలో బాలకృష్ణ  ఉన్నారని టాలీవుడ్ వర్గాలు తెలిపాయి.

Also, do SUBSCRIBE to our YouTube channel to get latest Tollywood updates.