Harish Shankar: డిసెంబర్ నుండి ఆ స్టార్ హీరో సినిమా మొదలుపెట్టనున్న హరీష్ శంకర్

హరీష్ శంకర్.. టాలీవుడ్ స్టార్ డైరెక్టర్స్ లో ఒకరు. అయితే ఆయన ఖాతాలో ‘గబ్బర్ సింగ్’ ‘మిరపకాయ్’ మినహా చెప్పుకోదగ్గ బ్లాక్ బస్టర్లు లేవు. పవన్ కళ్యాణ్ తర్వాత ఎన్టీఆర్, అల్లు అర్జున్..లతో సినిమాలు చేసిన హరీష్.. ఆ తర్వాత స్టార్ డైరెక్టర్ల లీగ్లోనే కొనసాగుతాడు అని అంతా అనుకున్నారు. కానీ హరీష్.. పవన్ భజన మాత్రమే ఎక్కువ చేస్తూ ఉండటంతో.. మహేష్, ఎన్టీఆర్ వంటి స్టార్ హీరోలు పట్టించుకోవడం మానేశారు.

దీంతో అతనికి లైఫ్ ఇచ్చిన పవన్, రవితేజ..లతోనే సినిమాలు సెట్ చేసుకున్నాడు. పవన్ తో ఉస్తాద్ భగత్ సింగ్ అనే సినిమాని సెట్స్ పైకి తీసుకెళ్లాడు. కానీ పవన్ కళ్యాణ్.. పొలిటికల్ కమిట్మెంట్స్ వల్ల.. షూటింగ్ చాలా స్లోగా జరుగుతుంది. నవంబర్లో పవన్ కళ్యాణ్ ఏ సినిమా షూటింగ్..కి డేట్స్ ఇవ్వను అని చెప్పారట. డిసెంబర్లో ఒకవేళ 15 రోజుల పాటు ‘ఓజీ’ చిత్రానికి డేట్స్ ఇచ్చే అవకాశం ఉంది. ఆ తర్వాత ‘జనసేన’ పార్టీ ప్రచారంలో బిజీ అయిపోతారు.

ఏప్రిల్ వరకు ఖాళీ అయ్యే ఛాన్స్ లేదు. కాబట్టి.. (Harish Shankar) హరీష్ శంకర్ ఈ గ్యాప్ ని ఫుల్ ఫిల్ చేయడానికి రవితేజతో సినిమా మొదలుపెట్టనున్నాడని సమాచారం. ‘పీపుల్ మీడియా ఫ్యాక్టరీ’ బ్యానర్లో ఈ మూవీ ఉండనుంది అని సమాచారం. అయితే అఫీషియల్ అనౌన్స్మెంట్ రావాల్సి ఉంది. మరోపక్క పవర్ స్టార్ పవన్ కళ్యాణ్ డేట్స్ కోసం ‘హరి హర వీరమల్లు’ యూనిట్ కూడా ఎంతో ఆశగా ఎదురుచూస్తుంది.

మా ఊరి పొలిమేర 2 సినిమా రివ్యూ & రేటింగ్!

కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!