క్రిష్ కోసం పవన్ రెడీగా ఉంటాడా..?

October 21, 2020 / 12:02 PM ISTByFilmy Focus

Join Us

కరోనా ఎఫెక్ట్ తో ఆగిపోయిన సినిమాల షూటింగ్ లు తిరిగి మొదలవుతున్నాయి. యంగ్ హీరోలంతా కూడా తమ సినిమాల షూటింగ్ లతో బిజీ అయిపోయారు. కానీ చిరంజీవి, పవన్ కళ్యాణ్, బాలకృష్ణ లాంటి హీరోలు ఇంకా షూటింగ్ లకు వెళ్లడం లేదు. చిరు, బాలయ్యలను పక్కన పెడితే.. పవన్ కళ్యాణ్ కూడా షూటింగ్ మొదలుపెట్టే విషయంలో వెనక్కి తగ్గుతున్నాడు. ఇప్పటికే పవన్ నటిస్తోన్న ‘వకీల్ సాబ్’ సినిమా షూటింగ్ గత నెలలో మొదలుపెట్టేశారు. పవన్ లేని సన్నివేశాలను పూర్తి చేసేసి.. ఇప్పుడు ఆయన కోసం ఎదురుచూస్తున్నారు.

మరికొన్ని రోజుల్లో పవన్ షూటింగ్ కి వస్తారని భావిస్తున్నారు. ఇదిలా ఉండగా.. దర్శకుడు క్రిష్ కూడా పవన్ సినిమాను పున:ప్రారంభించడానికి ముహూర్తం ఫిక్స్ చేసుకున్నట్లుగా తెలుస్తోంది. పవన్ ‘వకీల్ సాబ్’ సినిమాను పూర్తి చేసి తన సినిమా సెట్స్ పైకి రావడానికి సమయం పడుతుందని భావించిన క్రిష్ మధ్యలో లిమిటెడ్ బడ్జెట్ లో సినిమా తీయాలనుకున్నాడు. అందుకే వైష్ణవ్ తేజ్, రకుల్ ప్రీత్ కాంబినేషన్ లో ఓ సినిమా తెరకెక్కిస్తున్నాడు. ప్రస్తుతం ఈ సినిమా షూటింగ్ వికారాబాద్ పరిసర ప్రాంతాల్లో జరుగుతుంది.

ఈ సినిమాను నవంబర్ నాటికి పూర్తి చేసి.. కొన్ని రోజులు గ్యాప్ తీసుకొని.. డిసెంబర్ మధ్యలో పవన్ సినిమా షూటింగ్ మొదలుపెట్టారని క్రిష్ నిర్ణయించుకున్నాడు. ఇదే విషయాన్ని పవన్ కి కూడా చెప్పినట్లు సమాచారం. నవంబర్ నాటికి ‘వకీల్ సాబ్’ సినిమాను పూర్తి చేస్తే డిసెంబర్ లో తమ సినిమా మొదలుపెడతామని క్రిష్.. పవన్ తో చెప్పారట. మరి క్రిష్ కోరుకుంటున్నట్లుగా డిసెంబర్ నాటికి పవన్ షూటింగ్ కి రెడీగా ఉంటాడో లేదో చూడాలి!