టాలీవుడ్ డైరెక్టర్ కృష్ణవంశీ దర్శకత్వంలో వచ్చిన ‘ఖడ్గం’ సినిమా అప్పట్లో సెన్సేషన్ క్రియేట్ చేసింది. దేశభక్తి కాన్సెప్ట్ తో వచ్చిన ఈ సినిమాలో శ్రీకాంత్, రవితేజ, ప్రకాష్ రాజ్ ప్రధాన పాత్రలు పోషించారు. సోనాలి బింద్రే, సంగీత, కిమ్ శర్మ హీరోయిన్స్ గా నటించారు. అప్పట్లో ఈ సినిమా ఓ రేంజ్ లో ఆడింది. ఇప్పటికీ ఈ సినిమా టీవీల్లో టెలికాస్ట్ అవుతూనే ఉంటుంది. ఇందులో పాటలు కూడా బావుంటాయి.
అయితే ఈ సినిమాలో హైదరాబాద్ లోని పాతబస్తీలో ఉండేవారిని తీవ్రవాదులుగా చూపించడం, టెర్రరిస్ట్ లకు ఆశ్రయం ఇచ్చేవారిలా చూపించడంపై అప్పట్లో దుమారం రేగింది. ముస్లిం మతస్థులు తీవ్ర అభ్యంతరం వ్యక్తం చేస్తూ.. థియేటర్లపై దాటాడు కూడా చేశారు. ఈ సినిమా రిలీజ్ తరువాత దర్శకుడు కృష్ణవంశీ ప్రాణ భయంతో కొన్నాళ్లు అండర్ గ్రౌండ్ కి వెళ్లిపోయారని టాక్. ఇదిలా ఉండగా.. తాజాగా ఈ సినిమా గురించి ఓ నెటిజన్ అడిగిన ప్రశ్నకు కృష్ణవంశీ ఇచ్చిన సమాధానం వైరల్ అవుతోంది.
‘మీ నుంచి ‘ఖడ్గం’ లాంటి సినిమా కోసం వెయిటింగ్’ అని ఓ నెటిజన్ అడగ్గా.. ‘ఇప్పుడైతే చంపేస్తారేమో సార్’ అంటూ ఫన్నీగా బదులిచ్చారు. ప్రస్తుతం జరుగుతున్న కాంట్రవర్సీలను దృష్టిలో పెట్టుకొని ఆయన ఈ సమాధానం ఇచ్చినట్లు తెలుస్తోంది. ఇక ఆయన సినిమాల విషయానికొస్తే.. చాలా కాలం గ్యాప్ తరువాత ఆయన నుంచి ‘రంగమార్తాండ’ అనే సినిమా వస్తోంది. ఇందులో ప్రకాష్ రాజ్, రమ్యకృష్ణ, శివాత్మిక రాజశేఖర్, బ్రహ్మానందం, రాహుల్ సిప్లిగంజ్, అనసూయ తదితరులు కీలకపాత్రలు పోషిస్తున్నారు.
ఈ సినిమాకి ఇళయరాజా సంగీతం అందిస్తున్నారు. ఈ సినిమా తరువాత కృష్ణవంశీ ‘అన్నం’ అనే మరో సినిమా చేయబోతున్నారు. దీంతో పాటు ఓ వెబ్ సిరీస్ ను కూడా డైరెక్ట్ చేయబోతున్నారు.
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
Home