Lokesh Kanagaraj: రజనీ కాంత్‌ – లోకేశ్‌ కనగరాజ్‌ సినిమా ఎప్పటి నుండి అంటే…

కొంతమంది దర్శకుల గురించి మాట్లాడుకునేటప్పుడు వాళ్లు తీసిన సినిమాలు, తీసే సినిమాల గురించి మాత్రమే కాకుండా… పరిశ్రమలో తనకంటూ ప్రత్యేకంగ రాసుకున్న విషయాల గురించి ప్రస్తావిస్తుంటారు. అలాంటివారిలో లోకేశ్‌ కనగరాజ్‌ ఒకరు. తీసినవి కొన్ని సినిమాలే అయినా… పెద్ద హీరోలతో పెద్ద సినిమాలు చేసే స్థాయికి వచ్చేశారు. తాజాగా రజనీకాంత్‌తో ఓ సినిమా ఛాన్స్‌ పట్టేశారు. ఈ సినిమా గురించి ఎలాంటి వార్త వచ్చినా వైరల్‌ అవుతోంది. ఈ క్రమంలో మరికొన్ని విషయాలు బయటికొచ్చాయి.

రజనీకాంత్‌ 171వ సినిమాగా లోకేశ్‌ కనగరాజ్‌ సినిమా ఉండబోతోందనే విషయం ఇప్పటికే ప్రకటించేశారు. ప్రస్తుతం ఈ సినిమా పనుల్లోనే ఆయన బిజీగా ఉన్నారు. కథ, స్క్రీన్‌ప్లేను పకడ్బందీగా రాసుకోవడానికి లోకేశ్‌ సోషల్‌ మీడియాకు కూడా దూరంగా వెళ్లిపోయారు. అయితే ఈ మధ్య ఆయన ఇచ్చిన ఓ ఇంటర్వ్యూలో సినిమా గురించి విషయాలు చెప్పుకొచ్చారు. ఇప్పుడవి సోషల్‌ మీడియాలో మిగతా వాళ్లు షేర్‌ చేస్తున్నారు.

వాటి ప్రకారం చూస్తే సినిమా ప్రారంభానికి ఇంకా నాలుగు నెలలు ఉంది. క్లియర్‌గా చెప్పాలంటే ప్రస్తుతం లోకేశ్‌ రెండు మూడు నెలల లాంగ్‌ బ్రేక్‌ తీసుకున్నారట. ఈ సమయంలో సినిమాను పూర్తి స్థాయిలో సిద్ధం చేస్తారట. ఆ తర్వాత ఏప్రిల్‌లో సినిమా రెగ్యులర్‌ షూటింగ్‌ ప్రారంభిస్తారట. ఈలోపు రజనీకాంత్‌ ‘వేట్టయాన్‌’ పనులు పూర్తి చేస్తారట. మరి సినిమా అదే సంవత్సరం వస్తుందా అంటే అవుననే అని చెప్పాలి. ఎందుకంటే లోకేశ్‌ టేకింగ్‌ చాలా స్పీడ్‌గా ఉంటుంది.

ఇక మరో విషయం ఏంటంటే… ఈ సినిమా అనౌన్స్‌ చేశాక (Lokesh Kanagaraj) లోకేశ్‌ కనగరాజ్‌కు వచ్చిన ఫస్ట్‌ కాల్‌ కమల్‌ హాసన్‌ నుండి అట. ‘లియో’ సినిమా షూటింగ్‌ సమయంలోనే రజనీకి లోకేశ్‌ కథ వినిపించి ఓకే చేసుకున్నారు. అప్పుడే సినిమా అనౌన్స్‌ చేశారు. విషయం తెలుసుకున్న కమల్‌ వెంటనే కాల్‌ చేసి అభినందించారు అని లోకేశ్‌ కనగరాజ్‌ ఇటీవల ఇంటర్వ్యూలో చెప్పుకొచ్చారు. క్వైట్‌ ఇంట్రెస్టింగ్‌ కదా… అదే మరీ కమల్‌ – రజనీ బాండింగ్‌ అంటే.

మహేష్, చరణ్..లతో పాటు ఈ ఏడాది ఒక్క సినిమాతో కూడా ప్రేక్షకుల ముందుకు రాని హీరోల లిస్ట్

‘హాయ్ నాన్న’ నుండి ఆకట్టుకునే 18 డైలాగులు ఇవే..!
‘ఎక్స్ట్రా ఆర్డినరీ మెన్’ నుండి ఆకట్టుకునే 20 డైలాగులు ఇవే..!