టెక్నాలజీని వాడుకోవడంలో శంకర్ ను మించిన దర్శకులు లేరు అనడంలో అతిశయోక్తి లేదేమో.1993 నుండి అంటే ‘జెంటిల్ మెన్’ సినిమా టైం నుండి మనకు విజువల్ వండర్స్ ను చూపిస్తూనే ఉన్నారు శంకర్. అందుకే ఆయన్ని ఇండియన్ జేమ్స్ కెమరూన్ అంటుంటారు. ఆయన సినిమాల్లో ఊహకందని అద్భుతాలు కనిపిస్తాయి. ఇప్పుడు అంతకు మించిన అద్భుతమే చేయబోతున్నాడు. విషయంలోకి వెళ్తే.. ‘భారతీయుడు 2’ లో చనిపోయిన లెజెండ్స్ ను చూపించబోతున్నాడట శంకర్.
వినడానికి విడ్డూరంగా ఉన్నా ఇది నిజం. శంకర్ చూపించబోతున్న ఆ ఇద్దరు లెజెండ్స్ ఎవరో తెలుసా. ఒకరు కమెడియన్ వివేక్, మరొకరు నెడుముడి వేణు. వీళ్ళు ఈ సినిమాలో కీలక పాత్రలకు ఎంపికయ్యారు. కానీ షూటింగ్ ఆలస్యమైన తరుణంలో వీళ్ళు అనారోగ్య సమస్యలతో మరణించారు. వాళ్ల షూటింగ్ పార్ట్ అయితే కంప్లీట్ అవ్వలేదు.
వేరే వాళ్ళని పెట్టుకుని షూటింగ్ కంప్లీట్ చేయొచ్చు కానీ (Shankar) శంకర్ అలా చేయడం లేదు. టెక్నాలజీ సాయంతో వాళ్లతోనే ఈ పాత్రలకు సంబంధించిన షూటింగ్ కంప్లీట్ చేయాలని భావిస్తున్నాడు. హాలీవుడ్ టెక్నాలజీ ఉపయోగించి.. వివేక్, వేణు ఉన్న సీన్స్ ను చిత్రీకరించబోతున్నాడు అని తెలుస్తుంది.
ఇలా చేస్తే సినిమా ప్రమోషన్లకు కూడా ఇది మైలేజ్ కలిగించే అవకాశం ఉంటుంది. మరోపక్క సినిమా షూటింగ్ చాలా వరకు కంప్లీట్ అయ్యింది. దీపావళికి ‘భారతీయుడు 2 ‘ చిత్రాన్ని ప్రేక్షకుల ముందుకు తీసుకురావాలనే ప్రయత్నాలు జరుగుతున్నాయి. లేట్ అయితే డిసెంబర్ లో రిలీజ్ చేయొచ్చు.
పాత్ర కోసం ఇష్టాలను పక్కన పడేసిన నటులు వీళ్లేనా..!
సీరియల్ హీరోయిన్స్ రెమ్యూనరేషన్ తెలిస్తే మతిపోతోంది !
ఈ వారం థియేటర్/ ఓటీటీల్లో సందడి చేయబోతున్న 19 సినిమాలు/ సిరీస్ లు
Home