Srinu Vaitla: ఆ సినిమాలో రవితేజను వెంకీ అని పిలవలేదట.. మీరు పసిగట్టారా?

June 7, 2025 / 01:28 PM ISTByFilmy Focus Desk

Join Us

‘వెంకీ’ (Venky) సినిమా మీరు చూశారా? చూసే ఉంటారు లెండి.. ఆ రేంజి విజయం సాధించింది మరీ. ఒకసారికి మించే చూసే ఉంటారు కూడా. అయితే ఈసారి సినిమా చూసేటప్పుడు ఈ విషయం కచ్చితంగా గమనించండి. ఎందుకంటే ఇప్పటివరకు ఎవరికీ తెలియని, ఎవరూ పసిగట్టని విషయాన్ని ఆ సినిమా దర్శకుడు శ్రీను వైట్ల (Srinu Vaitla) చెప్పుకొచ్చారు. ఆ సినిమాలో రవితేజను (Ravi Teja) ఎవరూ వెంకీ అని పిలవలేదట. శ్రీను అనే పిలిచారట. ఆ తర్వాత డబ్బింగ్‌లో పేరు మార్చేసుకున్నారట.

Srinu Vaitla

ఇంతకీ ఏమైందంటే.. ‘వెంకీ’ సినిమా కథ రాసుకున్నప్పుడు టైటిల్‌ ఏదీ ఫిక్స్‌ అవ్వలేదట. దీంతో రవితేజ పాత్ర పేరును శ్రీను అని పెట్టుకున్నారట శ్రీను వైట్ల. సినిమా షూటింగ్‌ సమయంలో పాత్రలన్నీ రవితేజను శ్రీను అనే పిలిచాయట. అయితే సినిమా షూటింగ్‌ ఆఖరులో టైటిల్‌గా ‘వెంకీ’ అయితే బాగుంటుంది అని అనిపించిందట. దీంతో ఆ పేరు ఫిక్స్‌ చేసి. రవితేజ పాత్రకు అదే పేరు పెట్టారట. సినిమా డబ్బింగ్‌ దగ్గరకు వచ్చేసరికి వెంకీ అని చెప్పింది కవర్‌ చేశారట.

మరిన్ని సినిమా వార్తలు.

These Movies Effected with Venky Movie

వెంకీ, శ్రీను రెండక్షరాల పేర్లే కావడంతో పెద్దగా ఇబ్బంది రాలేదని, కవర్‌ చేసేశాం అని శ్రీను వైట్ల అంటున్నారు. అయితే లిప్‌ మూమెంట్‌ రెండు పదాలకు డిఫరెంట్‌గా ఉంటుంది. అంటే మనం తెర మీద చూసినప్పుడు ఆ విషయం గమనించం కాబట్టి శ్రీను వైట్ల ఈ మార్పు చేసేయగలరు. ఈసారి సినిమా చూసినప్పడు ఈ ‘మోసం’ సంగతి మీరే చూడండి మరి. అయితే ఇదంతా చదివినప్పుడు వర్కింగ్‌ టైటిల్‌ గురించి విన్నాం కానీ.. ఈ వర్కింగ్‌ నేమ్‌ ఏంటో విచిత్రంగా అనిపిస్తోంది కదూ.

ఇక ఈ సినిమా గురించి చూస్తే. సుమారు 21 ఏళ్ల క్రితం వచ్చిన ఈ సినిమా ఇప్పటికే కామెడీ ట్రాక్‌లకు ట్రేడ్‌ మార్క్‌లా, రూల్‌ బుక్‌లా నిలిచిపోయింది. ఆ తర్వాత ఈ తరహా ట్రాక్‌లు శ్రీను వైట్ల సహా చాలామంది దర్శకులు ట్రై చేసినా వర్కవుట్‌ కాకపోవడం గమనార్హం.