Housefull 5: తలల పట్టుకుంటున్న ‘హౌస్‌ఫుల్‌’ ఫ్యాన్స్‌.. బాలీవుడ్‌ జనాలు ఏం చేస్తారో?

సినిమాలు చేసుకుంటూ వెళ్లిపోవడమే.. జనాల అభిరుచులతో మనకేం సంబంధం లేదు అనుకుంటున్నారేమో బాలీవుడ్‌ జనాలు. అందుకే వరుసగా రొడ్డ కొట్టుడు కాన్సెప్ట్‌లు, ఎప్పుడో పాత రోజుల్లో ఓకే అయిన సినిమాలకు సీక్వెల్స్‌ చేసుకుంటూ వెళ్లిపోతున్నాడు. అప్పటిలా ప్రేక్షకులు లేరు అని సినిమాల ఫలితాలతో చెబుతున్నా మేకర్స్‌ విషయంలో మార్పులు రావడం లేదు. అందుకే మరో బాలీవుడ్‌ పెద్ద సినిమా చిన్న ఫలితాన్ని అందుకుంది. అయితే అది మన దగ్గర మాత్రమే.

Housefull 5

ఇంకా బాలీవుడ్‌ పూర్తి రిజల్ట్ అయితే రాలేదు. దీంతో మన దగ్గర ‘నిల్‌’ అక్కడ ‘ఫుల్‌’ అవుతుందా అనే ప్రశ్న మొదలైంది. ఇదంతా ‘హౌస్‌ఫుల్‌ 5’ (Housefull 5) సినిమా గురించే అనే విషయం మీకు అర్థమయ్యే ఉంటుంది. అక్షయ్‌ కుమార్‌ (Akshay Kumar), అభిషేక్‌ బచ్చర్‌ (Abhishek Bachchan), రితేశ్‌ దేశ్‌ముఖ్‌ (Riteish Deshmukh), సంజయ్‌ దత్‌(Sanjay Dutt), జాక్వెలైన్‌ ఫెర్నాండేజ్‌ (Jacqueline Fernandez), నర్గీస్‌ ఫక్రీ ( Nargis Fakhri), సోనమ్‌ భజ్వా (Sonam Bajwa), చిత్రాంగధ సింగ్‌ ఇలా స్టార్‌ కాస్టింగ్‌తో సినిమాను నింపేశారు సాజిద్‌ నడియాడ్‌ వాలా.

రెండు వెర్షన్ల క్లయిమాక్స్‌, బూతులు, అర్థం లేని జోకులు, ఓవర్ ఎక్స్ పోజింగ్, అడల్ట్ డైలాగులతో దర్శకుడు తరుణ్‌ మన్సుఖాని  (Tarun Mansukhani) నింపేశారు. ఇలా వచ్చిన సినిమాకి మన దగ్గర అయితే జనాలు నిండటం లేదు. ఖరీదైన క్రూజ్‌లో జరిగే నేరం చుట్టూ అల్లుకున్న కథని నిర్మాత, రచయిత సాజిద్ నడియాడ్‌వాలా సిద్ధం చేశారు. దానిని తరుణ్ మన్సుఖాని రూపొందించారు. బ్రిటన్‌కి చెందిన ఒక ధనవంతుడి వందో పుట్టినరోజు వేడుకల్లో హత్య జరుగుతుంది.

ముసుగు వేసుకొచ్చి హత్య చేసిన ఆ కిల్లర్ కోసం బ్రిటిష్, ఇండియా పోలీసులు వెతుకుతారు. ఈ క్రమంలో జరిగే కామెడీ, ట్విస్టులను సినిమాగా సిద్ధం చేశారు. రెండు వెర్షన్ల క్లైమాక్స్‌లు అని చెప్పినా.. పెద్ద ఎక్కువ డిఫరెన్స్‌ లేదు. దీంతో అందులో కొత్తదనం కూడా మిస్‌ అయింది. అలా మన దగ్గర అయితే సినిమాకు ఆశించిన ఫలితం లేదు. అయితే ఇలాంటి కామెడీ, బూతు కనక్షన్లకు బాలీవుడ్‌లో ఒకప్పుడు మంచి స్పందనే వచ్చేది. ఇప్పుడు ఈ సినిమా ఏమవుతుంది అనేది సోమవారానికి క్లారిటీ వచ్చేస్తుంది.