తొమ్మిది ప్రేమ కథలు రెడీ చేసుకున్న సుకుమార్

July 23, 2020 / 02:24 PM ISTByFilmy Focus

Join Us

తొమ్మిది ప్రేమ కథలు రెడీ చేసుకున్న సుకుమార్

సింపుల్ స్టోరీస్ ని కాంప్లికేట్ చేయడంలో సుకుమార్ సిద్ధహస్తుడు అనే విషయాన్ని ప్రత్యేకించి చెప్పాల్సిన అవసరం లేదు. “రంగస్థలం” తర్వాత మహేశ్ తో అనుకున్న సినిమా పట్టాలెక్కలేకపోయింది. అల్లు అర్జున్ తో సినిమా ఎనౌన్స్ చేసి, ఫస్ట్ లుక్ కూడా విడుదల చేసిన తర్వాత కరోనా పూణ్యమా అని షూటింగ్స్ చేసుకోవడానికి వీలు లేకుండాపోయింది. దాంతో సుకుమార్ ఇంటిపట్టున ఉండిపోవాల్సి వచ్చింది. అయితే.. ఈ ఫ్రీటైంను బాగానే యూటిలైజ్ చేసుకొన్నాడు సుకుమార్.

ఈ గ్యాప్ లో తన మరియు తన స్నేహితుల జీవితాల్లో జరిగిన కొన్ని సఘటనల సమాహారంగా 9 ప్రేమకథలను రాసేశాడు. ఆహా యాప్ కు ఇప్పుడు కంటెంట్ అవసరం చాలా ఉంది కాబట్టి.. సుకుమార్ రాసిన ప్రేమ కథలు కావడంతో వెంటనే ఒకే చెప్పేసారట అల్లు అరవింద్. సుకుమార్ అసోసియేట్స్ ఈ 9 ప్రేమకథలను డైరెక్ట్ చేయనున్నారు. కొందరు తెలిసిన ఆర్టిస్టులతోపాటు.. ఇంకొందరు కొత్త నటీనటులతో ఈ “లవ్ స్టోరీస్” అనే సిరీస్ తెరకెక్కించేందుకు సుకుమార్ సన్నద్ధమవుతున్నాడు.

Director Sukumar New Business1

“పుష్ప” షూట్ స్టార్ట్ అయ్యేవరకూ వెయిట్ చేయకుండా సుకుమార్ మంచి డెసిషనే తీసుకొన్నాడు. ఇకపోతే.. “పుష్ప”కు కూడా సుకుమార్ కొన్ని మార్పులు చేశాడట. తొలుత కేరళలో షూటింగ్ అనుకున్నాడు సుక్కూ.. ప్రస్తుత పరిస్థితుల్లో అది కష్టం కాబట్టి హైద్రాబాద్ లోనే షూటింగ్ చేయడానికి సిద్ధమవుతున్నాడు. అందుకు తగ్గట్లు కథనంలో కొన్ని మార్పులు చేస్తున్నాడు. సెప్టెంబర్ నుంచి ఈ చిత్రం రెగ్యులర్ షూటింగ్ ప్రారంభమయ్యే అవకాశాలున్నాయి.