దర్శకుడు తేజ కెరీర్ లో ఇప్పటికే చాలా సినిమాలు ఆగిపోయాయి. రీసెంట్ గా వెంకటేష్ తో సినిమా అనుకున్నారు. కానీ అది కూడా పట్టాలెక్కలేదు. ఆ సినిమాకి సంబంధించిన ఫోటోషూట్ కూడా జరిగిన తరువాత ప్రాజెక్ట్ ఆగిపోవడం అభిమానులకు నిరాశ కలిగించింది. ఇప్పుడు ఈ లిస్ట్ లోకి గోపీచంద్ సినిమా కూడా చేరింది. టాలీవుడ్ హీరో గోపీచంద్ తో తేజ ఓ సినిమా ప్లాన్ చేశారు. దీనికి అలివేలుమంగ వెంకటరమణ అనే టైటిల్ కూడా ఫిక్స్ చేశారు.
నేరేషన్ అంతా కూడా పూర్తయింది. గోపీచంద్ కూడా ఓకే చెప్పేశాడు. కానీ ప్రాజెక్ట్ ఆగిపోయింది. కారణం ఏంటనేది బయటకు రాలేదు. ఈ కథలో హీరోయిన్ గా టాప్ స్టార్స్ సమంత, కీర్తి సురేష్, అనుష్క లాంటి వాళ్లను అనుకున్నారు. కీర్తి సురేష్ ఫైనల్ అయిందని వార్తలు కూడా వచ్చాయి. అన్నీ అనుకున్నట్లుగా జరిగితే పీపుల్ మీడియా బ్యానర్ పై ఈ సినిమా రావాలి. అంతలోనే ఈ ప్రాజెక్ట్ ఆగిపోయింది. ఈ సినిమాను అనౌన్స్ చేసిన సమయంలోనే రానాతో ఓ సినిమా ప్రకటించారు తేజ.
ఆ ప్రాజెక్ట్ కు ‘రాక్షసరాజు రావణాసురుడు’ అనే టైటిల్ కూడా పెట్టారు. అయితే ఇప్పుడు ఆ ప్రాజెక్ట్ గురించి కూడా ఏం మాట్లాడడం లేదు. ప్రస్తుతం తేజ ‘చిత్రం’ సినిమాకి సీక్వెల్ ను తెరకెక్కిస్తున్నారు.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
