పవర్ స్టార్ పవన్ కళ్యాణ్ అలాగే మాటల మాంత్రికుడు త్రివిక్రమ్ సాన్నిహిత్యం గురించి ప్రత్యేకంగా చెప్పాల్సిన పనిలేదు. పవన్ కళ్యాణ్ ఏ కొత్త స్టెప్ వేసినా.. దాని వెనుక త్రివిక్రమ్ ఉంటాడు అని అందరూ చెప్పుకుంటూనే ఉంటారు.ఆ ఊహాగానాలను పక్కన పెట్టినా.. ‘వకీల్ సాబ్’ చిత్రం ప్రారంభమవ్వడానికి కారణం దర్శకుడు త్రివిక్రమేనని నిర్మాత దిల్ రాజు స్వయంగా చెప్పుకొచ్చారు. నిన్న జరిగిన ‘వకీల్ సాబ్’ ప్రీ రిలీజ్ వేడుకలో ఈ విషయాన్ని ఆయన తెలియజేసారు.
అంతేకాదు పవన్ కళ్యాణ్ వరుస ప్రాజెక్టులు పట్టాలెక్కించడం వెనుక కూడా త్రివిక్రమ్ హస్తం ఉందనేది ఇండస్ట్రీ చెబుతున్న మాట.పవన్- రానా మల్టీస్టారర్ కు కూడా త్రివిక్రమ్ రచయితగా పనిచేస్తున్న సంగతి తెలిసిందే. అయితే నిన్న జరిగిన ‘వకీల్ సాబ్’ ప్రీ రిలీజ్ వేడుకకి మాత్రం త్రివిక్రమ్ హాజరు కాలేదు. పవన్ కళ్యాణ్ కూడా ఒకటి రెండు సార్లు ఆయన్ని తలుచుకున్నాడు. అసలు త్రివిక్రమ్ ఎందుకు హాజరుకాలేదు? అనే విషయం పై సోషల్ మీడియాలో పెద్ద చర్చే జరిగింది.
అందుకు ముఖ్య కారణం త్రివిక్రమ్ కరోనా లక్షణాలతో బాధపడుతుండడమే అని తెలుస్తుంది.అందుకే ఆయన ప్రస్తుతం హోమ్ క్వారెంటైన్లో ఉండి చికిత్స పొందుతున్నారట. ప్రస్తుతం త్రివిక్రమ్ వయసు 50 సంవత్సరాలు కావడంతో కుటుంబ సభ్యులు మరియు అతని సన్నిహితులు కొద్దిపాటి టెన్షన్ కు గురవుతున్నట్టు ఇన్సైడ్ టాక్. త్రివిక్రమ్ పూర్తిగా కోలుకున్న తరువాతే అతను ఎన్టీఆర్ తో చెయ్యబోతున్న కొత్త సినిమా ప్రారంభం కానుంది.
Most Recommended Video
వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
Home