Disha Patani, Prabhas: ప్రభాస్ సినిమాలో దీపికాతో పాటు మరో హాట్ బ్యూటీ!

‘బాహుబలి’ సినిమాతో పాన్ ఇండియా స్టార్ గా మారారు ప్రభాస్. ఇప్పుడు ఆయన చేసేవన్నీ పాన్ ఇండియా సినిమాలే. అందులో ‘ప్రాజెక్ట్ K’ సినిమా ఒకటి. దీన్ని అశ్వనీదత్ నిర్మిస్తున్నారు. నాగ్ అశ్విన్ దర్శకుడిగా వ్యవహరిస్తున్నారు. ‘ఎవడే సుబ్రహ్మణ్యం’, ‘మహానటి’ వంటి సినిమాల తరువాత ఆయన తెరకెక్కిస్తోన్న సినిమా కావడంతో దీనిపై భారీ అంచనాలు ఏర్పడ్డాయి. ఇందులో బాలీవుడ్ ముద్దుగుమ్మ దీపికా పదుకోన్ ను హీరోయిన్ గా తీసుకున్నారు. ఆమెనే బాలీవుడ్ మెగాస్టార్ అమితాబ్ బచ్చన్ కీలక పాత్రలో కనిపించనున్నారు.

ఈ సినిమాలో దీపికా పదుకోన్ తో పాటు మరో బాలీవుడ్ నటి కనిపించబోతుందని కొంతకాలంగా వార్తలొస్తున్నాయి. ఇది నిజమేనని తెలుస్తోంది. ఈ సినిమాలో దీపికాతో పాటు మరో బాలీవుడ్ బ్యూటీ జాయిన్ అయింది. ఆమె మరెవరో కాదు.. దిశా పటానీ. ఈ విషయాన్ని ఆమె సోషల్ మీడియా వేదికగా వెల్లడించింది. ‘ప్రాజెక్ట్ K’ టీమ్ పంపించిన వెల్కమ్ కిట్ ఫొటోను ఆమె షేర్ చేసింది. నిజానికి దిశా తెలుగు సినిమాతోనే హీరోయిన్ గా కెరీర్ మొదలుపెట్టింది.

‘లోఫర్’ సినిమాతో హీరోయిన్ గా ఎంట్రీ ఇచ్చింది. ఆ తరువాత బాలీవుడ్ కి షిఫ్ట్ అయిపోయింది. చాలా గ్యాప్ తరువాత మళ్లీ టాలీవుడ్ సినిమా ఒప్పుకుంది. మరి సినిమాలో ఆమె పాత్ర ఎలా ఉంటుందో చూడాలి. ఇక ఈ సినిమా విషయానికొస్తే.. ప్రస్తుతం షూటింగ్ దశలో ఉంది.సైంటిఫిక్ థ్రిల్ల‌ర్ కాన్సెప్ట్ తో సినిమాను తెరకెక్కిస్తున్నారు.

సినిమా స్క్రిప్ట్ విషయంలో సింగీతం శ్రీనివాసరావు సలహాలు అందిస్తున్నారు. ఈ సినిమాతో ప్రభాస్ ‘సలార్’ సినిమాలో నటిస్తున్నారు. రీసెంట్ గానే ‘ఆదిపురుష్’ సినిమాను పూర్తి చేశారు ప్రభాస్. అలానే మైత్రి మూవీ మేకర్స్ బ్యానర్ లో ఓ సినిమా చేయబోతున్నారు.

ఆచార్య సినిమా రివ్యూ & రేటింగ్!

Most Recommended Video

కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!