దర్శకుడు ఒక సినిమాను బాగా తీస్తే… దానికి ఇంకా బాగా వచ్చేలా చేసేవాళ్లలో సినిమాటోగ్రాఫర్లు, ఎడిటర్‌ ఉంటారు అంటుంటారు సినిమా జనాలు. అందుకే రచయితల తర్వాత దర్శకులుగా మారే సాంకేతిక నిపుణుల్లో సినిమాటోగ్రాఫర్లు, ఎడిటర్‌లు ఎక్కువగా కనిపిస్తారు. ఈ క్రమంలో మరో ఎడిటర్‌ డైరక్టర్‌గా మారబోతున్నారట. ఆ సినిమాకు హీరో నితిన్. మెగా ఫోన్‌ పట్టుకోబోతున్న ఆ ఎడిటర్‌ ఎస్‌.ఆర్‌. శేఖర్‌. పూరి జగన్నాథ్‌ సినిమాలకు ఎడిటర్‌ పని చేస్తుంటారు ఎస్‌.ఆర్‌.శేఖర్‌. వాటితోపాటు ఇతర దర్శకులతోనూ కొన్ని సినిమాలు చేశారు.
అయితే ఎక్కువగా పూరి జగన్నాథ్‌ సినిమాలకే పని చేశారు ఎస్‌ఆర్‌ శేఖర్‌. రీసెంట్‌గా నితిన్‌తో ‘మ్యాస్ట్రో’ చేస్తున్నారు ఎస్‌ఆర్‌ శేఖర్‌. ఈ క్రమంలో నితిన్‌కు ఓ కథ వినిపించారట ఎస్‌ఆర్‌ శేఖర్‌. పాయింట్‌ నచ్చడంతో నితిన్ సినిమా చేయడానికి ఓకే చెప్పేశారట. నితిన్‌తో, ఎస్‌ఆర్‌ శేఖర్‌ అనుబంధం 2016 నుండి ఉంది. ‘హార్ట్‌ ఎటాక్‌’ సినిమాకు ఇద్దరూ కలసి పని చేశారు. అంటే అప్పటి నుండి ట్రావెల్‌ అవుతున్నారన్నమాట.
అయితే ఈ సినిమా కథేంటి లాంటి ఇతర వివరాలు ఇంకా ఏమీ బయటకు రాలేదు. అయితే వక్కంతం వంశీతో దర్శకత్వంలో నితిన్ చేయబోయే సినిమా తర్వాత ఎస్‌ ఆర్‌ శేఖర్‌ సినిమా ఉంటుందని మాత్రం తెలుస్తోంది. ఈలోగా ఆయన పూర్తి కథ సిద్ధం చేసుకుంటారట.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home
