Pushpa2: ఫ్యాన్స్ కోసమైనా అప్డేట్ ఇస్తారా..?

సంక్రాంతి సినిమాల హడావిడి మొదలైపోయింది. ఇప్పటికే బాక్సాఫీస్ వద్ద బాలయ్య సినిమా రిలీజై సందడి చేస్తోంది. రేపు మెగాస్టార్ చిరంజీవి నటించిన ‘వాల్తేర్ వీరయ్య’ సినిమా రిలీజ్ కానుంది. అయితే బన్నీ ఫ్యాన్స్ కి మాత్రం సంతోషం లేదు. ‘పుష్ప2’ అప్డేట్ కోసం ఎదురుచూస్తున్న అల్లు అర్జున్ ఫ్యాన్స్ కి మాత్రం ఎలాంటి న్యూస్ అందడం లేదు. ఈ విషయంలో ఫ్యాన్స్ చాలా హర్ట్ అవుతున్నారు. అప్డేట్ ఇవ్వాల్సిందే అంటూ సోషల్ మీడియాలో హడావిడి చేస్తున్నారు.

అయినప్పటికీ ‘పుష్ప2’ మేకర్స్ వారిని పట్టించుకోవడం లేదు. ‘పుష్ప2’ షూటింగ్ జరుగుతుందో లేదో కూడా ఫ్యాన్స్ కి తెలియని పరిస్థితి. గతేడాది విడుదలైన ‘అవతార్2’ సినిమాతో పాటు ‘పుష్ప2’ టీజర్ వస్తుందని ఆశించిన బన్నీ ఫ్యాన్స్ కి నిరాశే మిగిలింది. ఆఖరి నిమిషం వరకు పని పూర్తి కాకపోవడంతో చిత్రబృందం టీజర్ ని విడుదల చేయలేకపోయింది. సంక్రాంతికి ‘పుష్ప2’ టీమ్ నుంచి అప్డేట్ ఉందనే టాక్ వినిపిస్తుండడంతో ఫ్యాన్స్ మళ్లీ ఆసక్తిగా ఎదురుచూస్తున్నారు.

సంక్రాంతికి ‘పుష్ప2’ గ్లిమ్స్ వచ్చే ఛాన్స్ ఉందా..? లేదా..? అనే విషయంలో కూడా మేకర్స్ నుంచి ఎలాంటి అప్డేట్ లేదు. దీంతో బన్నీ ఫ్యాన్స్ అసలు అప్డేట్ ఉందా..? లేదా..? అనేది చెప్పాలంటూ ట్విట్టర్ లో మైత్రి మూవీ మేకర్స్ నిర్మాతలపై ఒత్తిడి తీసుకొస్తున్నారు. ప్రస్తుతం మైత్రి సంస్థ చాలా బిజీగా ఉంది. ఈ సంక్రాంతికి రిలీజైన చిరు, బాలయ్య సినిమాలను నిర్మించింది ఇదే సంస్థ.

దీంతో రిలీజ్ లు, డిస్ట్రిబ్యూషన్, ప్రమోషన్స్ తో చాలా బిజీగా ఉన్నారు మైత్రి నిర్మాతలు. కాబట్టి ఈ సమయంలో ‘పుష్ప2’ అప్డేట్ ఇచ్చే అవకాశమైతే లేదు. అలా జరిగితే ఫ్యాన్స్ సీరియస్ అవ్వడం గ్యారెంటీ. మరి టీమ్ ఎలా హ్యాండిల్ చేస్తుందో చూడాలి. ఇక ‘పుష్ప2’ సినిమా భారీ బడ్జెట్ పెట్టి నిర్మించడానికి రెడీ అవుతున్నారు. ఫస్ట్ పార్ట్ లో గ్రాఫిక్స్ వర్క్ పై కొన్ని విమర్శలు వచ్చాయి. ఈసారి ఎలాంటి విమర్శలకు తావివ్వకుండా సినిమాను నిర్మించడానికి రెడీ అయ్యారు.

8 సార్లు ఇంటర్నేషనల్ అవార్డ్స్ తో తెలుగు సినిమా సత్తాను ప్రపంచవ్యాప్తంగా చాటిన రాజమౌళి!
2022 విషాదాలు: ఈ ఏడాది కన్నుమూసిన టాలీవుడ్ సెలబ్రటీల లిస్ట్..!

రోజా టు త్రిష.. అప్పట్లో సంచలనం సృష్టించిన 10 మంది హీరోయిన్ల ఫోటోలు, వీడియోలు..!
హిట్-ప్లాప్స్ తో సంబంధం లేకుండా అత్యధిక వసూళ్లు సాధించిన పది రవితేజ సినిమాలు!