‘జాతిరత్నాలు’ సినిమాతో టాలీవుడ్ లో హీరోయిన్ గా ఎంట్రీ ఇచ్చింది ఫరియా అబ్దులా. ఈ సినిమాలో ఆమె చిట్టి అనే క్యారెక్టర్ లో కనిపించింది. ఇక అభిమానులంతా ఆమెని ముద్దుగా చిట్టి అని పిలవడం మొదలుపెట్టారు. మొదటి సినిమాతో మంచి సక్సెస్ అందుకున్నప్పటికీ.. ఈ బ్యూటీ సినిమా అవకాశాలు త్వరగా రాలేదు. రీసెంట్ గా మంచు విష్ణు నటిస్తోన్న ‘ఢీ’ సీక్వెల్ లో ఫరియాను హీరోయిన్ గా ఎంపిక చేసుకున్నారు.
ఇప్పుడు ఈ బ్యూటీకి మరో సినిమా అవకాశం వచ్చినట్లు తెలుస్తోంది. అక్కినేని నాగార్జున ప్రధాన పాత్రలో దర్శకుడు కళ్యాణ్ కృష్ణ ‘బంగార్రాజు’ అనే సినిమాలో నటిస్తోన్న సంగతి తెలిసిందే. ప్రస్తుతం ఈ సినిమా షూటింగ్ దశలో ఉంది. ఇందులో స్పెషల్ సాంగ్ కోసం ఫరియాను ఎంపిక చేసుకున్నారట. సినిమాలో నాగార్జున ఆమె మాస్ స్టెప్పులు ఓ రేంజ్ లో ఉంటాయని చెబుతున్నారు. నిజానికి ఫరియా మంచి డాన్సర్. హిఫ్‌ హాప్, బీ బాయింగ్, బెల్లీ డాన్స్ లలో ఆమె ట్రైనింగ్ తీసుకుంది.
అందుకే ఈ సినిమాలో డాన్స్ నెంబర్ కోసం ఫరియాను ఫైనల్ చేసుకున్నారు. మొత్తానికి ఈ బ్యూటీ బంగార్రాజుతో స్క్రీన్ షేర్ చేసుకోబోతుంది. ఈ సినిమాపై ప్రేక్షకుల్లో మంచి అంచనాలు ఏర్పడ్డాయి. మొదట వచ్చే ఏడాది సంక్రాంతికి సినిమాను విడుదల చేయాలనుకున్నారు. కానీ ఇప్పుడు సినిమా వాయిదా పడే అవకాశాలు కనిపిస్తున్నాయి.
Most Recommended Video
ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!
Home