Funky First Review: విశ్వక్, అనుదీప్ .. ఇద్దరూ హిట్టు కొట్టి కంబ్యాక్ ఇచ్చినట్టేనా?

విశ్వక్ సేన్ కి ఈ మధ్య కాలంలో సరైన హిట్టు లేదు. ‘గామి’ తర్వాత చేసిన ‘గ్యాంగ్స్ ఆఫ్ గోదావరి’ ‘మెకానిక్ రాకీ’ వంటి సినిమాలు ఫ్లాప్ అవ్వగా ‘లైలా’ అయితే పెద్ద డిజాస్టర్ అయ్యింది. మరోపక్క దర్శకుడు అనుదీప్ కేవీ కూడా ‘జాతి రత్నాలు’ తర్వాత ‘ప్రిన్స్’ తో డిజాస్టర్ ఇచ్చాడు. దీంతో వీరిద్దరూ కలిసి ఓ సాలిడ్ హిట్ కొట్టేందుకు ‘ఫంకీ'(Funky) అనే సినిమా చేశారు. కయాదు లోహర్ ఇందులో హీరోయిన్ గా నటించింది.

Funky First Review

‘సితార ఎంటర్టైన్మెంట్స్’ బ్యానర్ పై సూర్య దేవర నాగవంశీ ఈ సినిమాని నిర్మించారు. టీజర్, ట్రైలర్ నవ్వులు పూయించాయి. టార్గెటెడ్ ఆడియన్స్ ని మెప్పించాయి. దీంతో ఫిబ్రవరి 13న రిలీజ్ కాబోతున్న ఈ సినిమాపై బజ్ ఏర్పడింది. ఆల్రెడీ ఈ సినిమాని నాగవంశీ ఇండస్ట్రీకి చెందిన కొంతమంది పెద్దలకి, స్నేహితులకి చూపించడం జరిగింది. సినిమా చూశాక వారు తమ అభిప్రాయాన్ని షేర్ చేసుకున్నారు.

వారి టాక్ ప్రకారం.. ‘ఫంకీ’ సినిమా రన్ టైమ్ 2 గంటల 8 నిమిషాల నిడివి కలిగి ఉంటుందట. విశ్వక్ సేన్ ఎంట్రీ బాగుందట. అనుదీప్ కేవీ స్టయిల్లోనే అది ఉంటుంది అంటున్నారు. తర్వాత విశ్వక్ సేన్ క్యారెక్టరైజేషన్ ని పరిచయం చేసిన తీరు.. ఈ క్రమంలో ఫ్రెండ్స్ గ్యాంగ్ తో అతను పెట్టే ముచ్చట్లు యూత్ ని నవ్విస్తాయి అని అంటున్నారు. కయాదు లోహర్ లుక్స్ తో పాటు కామిడీతో కూడా మెప్పించేందుకు ప్రయత్నించిందట.

ఇక సీనియర్ నరేష్, సంపత్ రాజ్, మురళీ ధర్ గౌడ్ వంటి నటీనటుల కామిడీ కూడా మెప్పిస్తుందట. సినిమా మొత్తం ఫన్ తోనే సాగుతుందట. అనుదీప్ మార్క్ కామిడీని ఇష్టపడే వారికి కచ్చితంగా ఈ సినిమా నచ్చుతుందని అంటున్నారు. మరి రిలీజ్ రోజున ఎలాంటి రెస్పాన్స్ వస్తుందో చూడాలి.

‘రణం’ కి 20 ఏళ్ళు.. ఫైనల్ గా ఎంత కలెక్ట్ చేసిందో తెలుసా?