Funky Trailer Review: ‘ఫంకీ’ ట్రైలర్ రివ్యూ.. అనుదీప్ మార్క్ కామెడీతో..!

విశ్వక్ సేన్ హీరోగా అనుదీప్ దర్శకత్వంలో రూపొందిన చిత్రం ‘ఫంకీ'(Funky). టీజర్ తోనే అందరి దృష్టిని ఆకర్షించిన ఈ సినిమా ఫిబ్రవరి 13న రిలీజ్ కానుంది. రిలీజ్ డేట్ దగ్గర పడుతున్న నేపథ్యంలో ఈరోజు ట్రైలర్ ను వదిలారు.

Funky Trailer Review

‘ఫంకీ’ ట్రైలర్ విషయానికి వస్తే.. ఇది 2 నిమిషాల 34 సెకన్ల నిడివి కలిగి ఉంది. ‘మీ అమ్మకు ఆపరేషన్ చేయాలి’ అంటూ ఓ డాక్టర్ పేషెంట్ కొడుకుతో చెబుతుంటే.. ‘నాకు రాదు డాక్టర్’ అంటూ ఆ కొడుకు పలకడం.. నవ్వులు పూయించే విధంగా ఉంది. అది అనుదీప్ మార్క్ కామెడీ.

ఆ షాట్ తో మొదలైన ట్రైలర్..ఆద్యంతం అలాంటి పంచులతోనే సాగుతుంది. ‘4 కోట్లు అని చెప్పి 40 కోట్లు పెట్టించాడమ్మా’ అంటూ సీనియర్ నరేష్ పాత్రతో పలికించిన డైలాగ్ ఇప్పటి ఫిలిం మేకర్స్ కి కరెక్ట్ గా సూట్ అవుతుంది. ఒక రకంగా అది సెటైర్ కూడా అనుకోవచ్చు. ‘ఏమన్నాడురా త్రివిక్రమ్ నా పేరు చెబితే’ అంటూ హీరో ఓ బ్యాచ్ తో డైలాగ్ చెబితే..

‘ఫస్ట్ టైం వింటున్నా అని అన్నాడన్నా’ అంటూ ఆ బ్యాచ్ హీరోకి కౌంటర్ వేయడం, ‘టెన్త్ లో ఫస్ట్ క్లాసా అని అడిగితే.. లేదు టెన్త్ క్లాస్’ ‘రెండువేల రూపాయల్లో ఐదు వేల రూపాయల చీరలు చుపించావా’ వంటి డైలాగులు అన్నీ అనుదీప్ కామెడీ ఇష్టపడే వారికి నచ్చుతాయి. విశ్వక్ సేన్,కయాదు లోహర్.. ల మధ్య వచ్చే రొమాంటిక్ సీన్స్ ఆకట్టుకునే విధంగా ఉన్నాయి. మొత్తంగా ట్రైలర్.. అనుదీప్ కామెడీని మెచ్చే వారిని అలరించే విధంగా ఉంది. మీరు కూడా ఓ లుక్కేయండి :

వెంకీ- అనిల్ రావిపూడి.. ఓ బావ బావమరిది కథ?