Gopichand: గోపీచంద్ మూవీ అక్కడి ప్రేక్షకులకు నచ్చుతుందా?

June 28, 2022 / 04:06 PM ISTByFilmy Focus

Join Us

Gopichand: గోపీచంద్ మూవీ అక్కడి ప్రేక్షకులకు నచ్చుతుందా?

గోపీచంద్, రాశీఖన్నా హీరోహీరోయిన్లుగా తెరకెక్కిన పక్కా కమర్షియల్ సినిమా జులై నెల 1వ తేదీన థియేటర్లలో విడుదల కానుంది. గోపీచంద్, మారుతి ఈ సినిమా ప్రమోషన్స్ లో పాల్గొంటూ సినిమాకు సంబంధించి ఆసక్తికర విషయాలను వెల్లడిస్తున్నారు. గత కొన్నేళ్లుగా సరైన సక్సెస్ లేని గోపీచంద్ ఈ సినిమాతో బ్లాక్ బస్టర్ హిట్ గ్యారంటీ అని కాన్ఫిడెన్స్ తో ఉన్నారు. అయితే గోపీచంద్ హీరోగా బి.గోపాల్ డైరెక్షన్ లో తెరకెక్కిన ఆరడుగుల బుల్లెట్ గతేడాది విడుదలైన సంగతి తెలిసిందే.

వేర్వేరు కారణాల వల్ల ఈ సినిమా రిలీజ్ ఆలస్యంగా కాగా ప్రేక్షకులను మెప్పించడంలో ఈ సినిమా ఫెయిలైంది. ఈ సినిమా బాక్సాఫీస్ వద్ద ఆశించిన స్థాయిలో కలెక్షన్లను సాధించలేదు. బాక్సాఫీస్ వద్ద డిజాస్టర్ గా నిలిచిన ఈ సినిమాను తమిళంలోకి డబ్ చేస్తున్నారని సమాచారం అందుతోంది. జులై నెలలో ఈ సినిమా తమిళంలో రిలీజ్ కానుందని జోరుగా ప్రచారం జరుగుతోంది. గోపీచంద్ సినిమా తెలుగు ప్రేక్షకులకే నచ్చలేదంటే తమిళ ఆడియన్స్ ను ఆకట్టుకునే అవకాశం లేదు.

తమిళంలో గోపీచంద్ కు కూడా ఎక్కువ మార్కెట్ లేదనే సంగతి తెలిసిందే. గోపీచంద్ హిట్ సినిమాలతో తమిళంలోకి ఎంట్రీ ఇస్తే అతని మార్కెట్ కూడా పెరిగే అవకాశం అయితే ఉంటుంది. గోపీచంద్ కెరీర్ విషయంలో జాగ్రత్తలు తీసుకోవాల్సి ఉంది. పొరపాట్లు చేస్తే గోపీచంద్ కెరీర్ పరంగా ఇబ్బందులు ఎదుర్కోవాల్సి ఉంది. పక్కా కమర్షియల్ సినిమా రికార్డు స్థాయి థియేటర్లలో రిలీజ్ కానుంది.

థియేటర్లలో ప్రస్తుతం ప్రదర్శితమవుతున్న ఏ సినిమా ప్రేక్షకులను ఆకట్టుకునేలా లేదు. ఈ కారణం వల్ల పక్కా కమర్షియల్ కు సులువుగానే థియేటర్లు దక్కుతున్నాయి. సినిమాకు పాజిటివ్ టాక్ వస్తే మాత్రం పక్కా కమర్షియల్ బాక్సాఫీస్ వద్ద బ్లాక్ బస్టర్ హిట్ గా నిలిచే ఛాన్స్ అయితే ఉంటుందని చెప్పవచ్చు. పక్కా కమర్షియల్ సినిమా కోసం నిర్మాతలు భారీగానే ఖర్చు చేశారని తెలుస్తోంది.