టాలీవుడ్ యాక్షన్ హీరో గోపీచంద్ ప్రస్తుతం ‘సీటీమార్’ అనే చిత్రంలో నటిస్తున్నాడు. సంపత్ నంది ఈ చిత్రానికి దర్శకుడు కాగా మణిశర్మ సంగీతం అందిస్తున్నాడు. గతంలో గోపీచంద్ – సంపత్ నంది కాంబినేషన్లో ‘గౌతమ్ నంద’ అనే చిత్రం వచ్చింది. కానీ ఆ చిత్రం ఆశించిన స్థాయిలో విజయం సాధించలేదు. అయినప్పటికీ ఈసారి కచ్చితంగా హిట్టు కొట్టాలని ‘సీటీమార్’ చిత్రం చేస్తున్నారు. తమన్నా ఈ చిత్రంలో హీరోయిన్ గా నటిస్తుంది.
లాక్ డౌన్ కారణంగా ఈ చిత్రం షూటింగ్ ఆగిపోయింది. అయితే ఇప్పుడు షూటింగ్ లకు ప్రభుత్వం పర్మిషన్లు ఇచ్చిన తరుణంలో.. ఆగష్ట్ నుండీ ‘సీటీమార్’ షూటింగ్ ను మొదలు పెట్టనున్నట్టు చిత్ర యూనిట్ సభ్యులు ప్రకటించారు. అయితే గోపీచంద్ మాత్రం ఇందుకు సిద్ధంగా లేడట. ఈ చిత్రం కబడ్డీ నేపథ్యంలో సాగుతుంది. అందులోనూ బ్యాలన్స్ ఉన్న షూటింగ్ కూడా కబడ్డీ సన్నివేశాలకు సంబంధించినదేనట.
దాంతో ఇప్పుడు షూటింగ్ ప్రారంభిస్తే చాలా రిస్క్ అని గోపీచంద్.. దర్శకనిర్మాతలకు చెప్పాడట. తన ఇంట్లో కూడా ఇద్దరు పిల్లలు ఉన్న విషయాన్ని కూడా గోపి గుర్తుచేసినట్టు తెలుస్తుంది. అంతేకాదు వ్యాక్సిన్ వచ్చే వరకూ షూటింగ్ మొదలుపెట్టొద్దని కూడా తేల్చి చెప్పేశాడట గోపీ. కాబట్టి ఈ చిత్రం కూడా 2021 కి పోస్ట్ పోన్ పోయినట్టేనని చెప్పాలి.
Most Recommended Video
పవర్ స్టార్ సినిమా రివ్యూ & రేటింగ్!
ఎస్.ఎస్.రాజమౌళి సినిమాల IMDB రేటింగ్స్!
తెలుగు సినిమాల్లో నటించిన 27 బాలీవుడ్ హీరోయిన్లు ఎవరో తెలుసా?
