Harish Shankar: పవన్ ఫ్యాన్స్ కు హరీష్ శంకర్ చెప్పిన శుభవార్తలివే.. ఏం జరిగిందంటే?

పవన్ హరీష్ శంకర్ కాంబినేషన్ లో తెరకెక్కుతున్న ఉస్తాద్ భగత్ సింగ్ సినిమాపై ఊహించని స్థాయిలో అంచనాలు పెరుగుతున్నాయి. హరీష్ శంకర్ తాజాగా నెటిజన్లతో ముచ్చటిస్తూ ఆసక్తికర వ్యాఖ్యలు చేశారు. ఉస్తాద్ భగత్ సింగ్ సినిమా రిలీజ్ డేట్ ను త్వరలో ప్రకటిస్తామని హరీష్ శంకర్ అన్నారు. పవన్ సినిమాలలో తొలిప్రేమ, ఖుషి అంటే ఇష్టమని హరీష్ శంకర్ కామెంట్లు చేయడం గమనార్హం.
మల్టీస్టారర్ సినిమా తీస్తానని అందుకు సంబంధించిన పనులు జరుగుతున్నాయని హరీష్ శంకర్ అన్నారు.

ఓజీ ముందుగా విడుదలైతే మీ సినిమాపై అంచనాలు పెరిగిపోతాయా అనే ప్రశ్నకు నా దృష్టిలో ఇలా రిలీజ్ కావడం పోటీ కాదని ఇది మనందరికీ వేడుకతో సమానమని హరీష్ శంకర్ పేర్కొన్నారు. ప్రస్తుతం దేశమంతా టాలీవుడ్ వైపు చూస్తోందని ఆయన చెప్పుకొచ్చారు. తమిళ ప్రేక్షకులు వాళ్ల సినిమాలను ఎంతో గౌరవిస్తారని హరీష్ శంకర్ చెప్పుకొచ్చారు. ఉస్తాద్ భగత్ సింగ్ రీమేకా అనే ప్రశ్నకు నాపై నమ్మకం ఉంచాలని హరీష్ శంకర్ అన్నారు.

ప్రేక్షకుల ఎదురుచూపులకు అనుగుణంగా సినిమా ఉంటుందని ఆయన తెలిపారు. ఎంత భారీగా అంచనాలను పెట్టుకున్నా ఆ అంచనాలను ఈ సినిమా అందుకుంటుందని ఆయన పేర్కొన్నారు. నా వర్క్ గురించి నిజంగా తెలిసిన వారు నా సినిమాలను రీమేక్ లు అని పిలవడానికి సిగ్గుపడతారని హరీష్ శంకర్ వెల్లడించారు. ఫ్యామిలీతో కలిసి ఉస్తాద్ భగత్ సింగ్ చూడవచ్చని హరీష్ శంకర్ తెలిపారు.

పెద్ద సినిమా తీసే సమయంలో ఒత్తిడి కచ్చితంగా ఉండవచ్చని (Harish Shankar) హరీష్ శంకర్ అన్నారు. మానవ సంబంధాలు, లవ్ స్టోరీల జానర్ లలో సినిమాలు తీస్తానని హరీష్ శంకర్ అన్నారు. హరీశ్ శంకర్ ను అభిమానించే ఫ్యాన్స్ సంఖ్య అంతకంతకూ పెరుగుతోంది. హరీశ్ శంకర్ మరిన్ని విజయాలను అందుకోవాలని అభిమానులు భావిస్తున్నారు.

భగవంత్ కేసరి సినిమా రివ్యూ & రేటింగ్!

లియో సినిమా రివ్యూ & రేటింగ్!
టైగర్ నాగేశ్వరరావు సినిమా రివ్యూ & రేటింగ్!