Harish Shankar: గీతాఆర్ట్స్ లో హరీష్ శంకర్!

టాలీవుడ్ లో ఉన్న అగ్ర నిర్మాణ సంస్థల్లో గీతాఆర్ట్స్ ఒకటి. ఎన్నో ఏళ్లుగా ఈ బ్యానర్ పై భారీ బడ్జెట్ సినిమాలను తెరకెక్కిస్తున్నారు నిర్మాత అల్లు అరవింద్. ఎన్నో హిట్లు కూడా అందుకున్నారు. రీసెంట్ గా అల్లు అరవింద్ ‘ఆహా’ ఓటీటీ ఫ్లాట్ ఫామ్ ను మొదలుపెట్టిన సంగతి తెలిసిందే. దీనికోసం కొన్ని వెబ్ సిరీస్ లను నిర్మించారు. అలానే కొన్ని డబ్బింగ్ సినిమాలను కూడా ఇందులో రిలీజ్ చేశారు. ఇప్పుడు ఒరిజినల్ కంటెంట్ ఎక్కువ జాగ్రత్తలు తీసుకుంటున్నారు.

ఈ క్రమంలో కొందరు దర్శకులను లాక్ చేస్తున్నట్లు తెలుస్తోంది. టాలీవుడ్ లో పలు హిట్స్ తో క్రేజ్ తెచ్చుకున్న దర్శకుడు హరీష్ శంకర్ ఇప్పుడు ఈ సంస్థ కోసం ఓటీటీ ప్రాజెక్ట్ ను సిద్ధం చేస్తున్నారట. దీనికి సంబంధించిన ప్రకటన త్వరలోనే రానుంది. ప్రస్తుతం హరీష్ శంకర్.. పవన్ కళ్యాణ్ ని డైరెక్ట్ చేయడానికి సిద్ధమవుతున్నాడు. కథను మరింత పకడ్బందీగా రెడీ చేస్తున్నాడు. ఈ సినిమాకి సంబంధించిన ఓ లుక్ ఇటీవల సోషల్ మీడియాలో చక్కర్లు కొట్టింది.

దీంతో నిర్మాణ సంస్థ స్పందిస్తూ.. సినిమాకి సంబంధించిన ఏ అప్డేట్ అయినా నేరుగా తమ అఫీషియల్ అకౌంట్స్ లో రిలీజ్ చేస్తామని.. అప్పటివరకు ఏ వార్తలను నమ్మొద్దని తెలిపింది. అయినప్పటికీ రూమర్స్ కి ఫుల్ స్టాప్ పడలేదు. నిన్న కూడా ‘సంచారి’, ‘స్టేట్ కి ఒకడు’ అనే పేర్లు ఈ సినిమా టైటిల్ గా పెట్టే ఛాన్స్ ఉందంటూ ఓ వార్త చక్కర్లు కొట్టింది.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!