పవర్ స్టార్ పవన్ కళ్యాణ్ తిరిగి సినిమాల్లోకి రీ ఎంట్రీ ఇస్తూ..’వకీల్ సాబ్’ చిత్రం చేస్తున్న సంగతి తెలిసిందే. వేణూ శ్రీరామ్ డైరెక్ట్ చేస్తున్న ఈ చిత్రాన్ని దిల్ రాజు మరియు శ్రీదేవి భర్త అయిన బోణి కపూర్ కలిసి నిర్మిస్తున్నారు.బాలీవుడ్ ‘పింక్’ కు ఇది రీమేక్. ఇప్పటికే 75 శాతం షూటింగ్ పూర్తి చేసుకున్న ఈ చిత్రం లాక్ డౌన్ కారణంగా వాయిదా పడుతూ వచ్చింది. ఇక ఈ చిత్రం పూర్తయిన తర్వాత క్రిష్ డైరెక్షన్లో ఓ చిత్రం చెయ్యబోతున్నాడు. అటు తరువాత హరీష్ శంకర్ డైరెక్షన్లో కూడా ఓ చిత్రం చేయబోతున్నాడు.
ముందు చెప్పిన రెండు సినిమాల్లో పవన్ ఫ్యాన్స్ కు కావాల్సిన కమర్షియల్ ఎలిమెంట్స్ ఎక్కువ ఉండే అవకాశం లేదు.ఈ విషయం పవన్ అభిమానులకు కూడా తెలుసు. అందుకే వాళ్ళు ‘పవన్- హరీష్’ ల ప్రాజెక్ట్ పైనే ఎక్కువ ఆశలు పెట్టుకున్నారు. అయితే పవన్ సినిమా కంటే ముందుగా హరీష్ శంకర్ మరో చిత్రం చేసే అవకాశాలు ఉన్నాయట. మ్యాటర్ ఏంటంటే… కరోనా వ్యాక్సిన్ వచ్చే వరకూ పవన్ షూటింగ్ లో జాయిన్ అయ్యేది లేదు అని తేల్చి చెప్పేసాడు. ఈ క్రమంలో ‘వకీల్ సాబ్’ షూటింగ్ జనవరి వరకూ మొదలయ్యే అవకాశం లేదు.
ఇక క్రిష్ ప్రాజెక్ట్ పూర్తవ్వడానికి 6,7 నెలలు టైం పట్టే అవకాశం ఉంది. అందులోనూ అది పాన్ ఇండియా ప్రాజెక్ట్ కాబట్టి ఇంకా ఎక్కువ టైం పెట్టినా ఆశ్చర్యపడనవసరం లేదు. దాంతో హరీష్ శంకర్ ప్రాజెక్ట్ లేట్ అయ్యే ఛాన్స్ ఉంది. అందుకే ఈలోగా ఓ మీడియం రేంజ్ హీరోతో ఓ సినిమా చెయ్యాలి అని హరీష్ ప్లాన్ చేస్తున్నాడని సమాచారం. వరుణ్ తేజ్ లేదా నితిన్ లతో 6 నెలల్లో పూర్తయ్యే సినిమాని తెరకెక్కించాలి అనే ప్లాన్ లో హరీష్ ఉన్నట్టు సమాచారం.
Most Recommended Video
<
మెగాస్టార్ చిరంజీవి కెరీర్లో ఆగిపోయిన సినిమాల లిస్ట్..!
మొహమాటం లేకుండా తమ సినిమాలు ప్లాప్ అని ఒప్పుకున్న హీరోల లిస్ట్…!
IMDB రేటింగ్స్ ప్రకారం టాప్ 25 టాలీవుడ్ మూవీస్ ఇవే…!
