అగ్ర హీరోతో సినిమా అంటే… దర్శకులు ఏళ్ల తరబడి లైన్‌లో వేచి చూడాల్సిన పరిస్థితి ఏర్పడింది. ఒకరిద్దరు కాదు… మ్యాగ్జిమమ్‌ స్టార్‌ హీరోలతో సినిమాలు చేయాలనుకుంటున్న దర్శకులు ఎవరికైనా ఇదే పరిస్థితి అని చెప్పొచ్చు. ప్రస్తుతం అలాంటి పరిస్థితి ఎదుర్కొంటున్న దర్శకుల్లో హరీశ్‌ శంకర్‌ ఒకరు. పవన్ కల్యాణ్‌తో ‘భవదీయుడు భగత్ సింగ్’ అనే సినిమాను ఇప్పటికే అనౌన్స్‌ చేశారు. కానీ సినిమా ఇంకా మొదలు కావడం లేదు. దీంతో హరీశ్‌ మరో ప్లాన్‌ వేశారని టాక్‌.
హరీశ్‌ శంకర్‌ రీసెంట్‌ సినిమాల్లో ఒకటైన ‘దువ్వాడ జగన్నాథమ్‌’ సినిమా బాలీవుడ్‌కి వెళ్తున్న విషయం తెలిసిందే. ఈ సినిమాను అక్కడ సిద్ధార్థ్‌ మల్హోత్రా కథానాయకుడిగా తెరకెక్కించనున్నారు. దీనికి హరీశ్‌ శంకర్‌ దర్శకత్వం వహిస్తున్నాడట. అంతేకాదు ఈ సినిమా త్వరలో మొదలవుతుందని కూడా సమాచారం. హిందీకి తగ్గట్లుగా కొన్ని మార్పులు చేర్పులు చేసి త్వరలోనే ఈ సినిమా షూటింగ్ మొదలు పెట్టనున్నట్లు తెలుస్తోంది. వీలైనంత త్వరగా సినిమా ముగించి, పవన్ అందుబాటులోకి రాగానే ‘భవదీయుడు భగత్ సింగ్’ను పట్టాలెక్కించాలని హరీష్ చూస్తున్నాడట.
నిజానికి ‘భవదీయుడు భగత్ సింగ్’ ఇప్పటికే మొదలై… సగం షూటింగ్ కూడా అయిపోవాలి. కానీ కరోనా, ఇతర సినిమా ఆలస్యం కారణంగా ఈ సినిమా వాయిదా పడుతూ వస్తోంది. మైత్రీ మూవీ మేకర్స్‌ టీమ్‌ ఈ సినిమా గురించి సీరియస్‌గా ఫాలో అప్‌ చేస్తున్నా అవ్వడం లేదట. ‘హరి హర వీరమల్లు’ అయిన వెంటనే పవన్ ‘భవదీయుడు…’ మొదలు పెడతారని గతంలో వార్తలొచ్చాయి. అయితే మధ్యలో ఇప్పుడు ‘వినోదాయ చిత్తం’ రీమేక్‌ చేస్తారని అంటున్నారు.
దీంతో హరీశ్‌ శంకర్‌ పరిస్థితి అగమ్యగోచరంగా మారింది. పవన్ సినిమా చేసేంతవరకు వేరే సినిమా చేయకుండా ఉండాలని హరీశ్‌ అనుకుంటున్నారని అతని సన్నిహితులు చెబుతున్నారు. మరి రీసెంట్‌ పుకార్లు నిజమై… హరీశ్‌ బాలీవుడ్‌ వెళ్లి ఇక్కడికి వస్తాడా? లేక పవన్ సినిమా కోసమే ఆగుతాడా అనేది తెలియాల్సి ఉంది. మధ్యలో నిర్మాతగా ఓ సినిమా అన్నారు అదేమైందో తెలియదు. జీ5 కోసం ఓ వెబ్ సిరీస్‌ని మాత్రం దగ్గరుండి పూర్తి చేసే పనిలో ఉన్నారు హరీశ్‌.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
Home