విజయ్‌ దేవరకొండ – సమంత కాంబినేషన్‌లో ఓ సినిమా రూపొందనున్న విషయం తెలిసిందే. అఫీషయల్‌గా అయితే చెప్పలేదు కానీ.. సినిమా గురించి కొన్ని విషయాలు బయటికొచ్చాయి. వాటి ప్రకారం చూస్తే మరో మూడు రోజుల్లో సినిమా స్టార్ట్‌ చేస్తున్నారు. ఈ నేపథ్యంలో సినిమా గురించి మరో రూమర్‌ బయటికొచ్చింది. అదే నిజమైతే… నాని వద్దనుకున్న సినిమాను శివ నిర్వాణ విజయ్‌ దేవరకొండతో చేస్తున్నాడట. ‘టక్‌ జగదీష్‌’ సినిమా తర్వాత నాని – శివ నిర్వాణ కాంబోలో మరో సినిమా వస్తుందని వార్తలొచ్చాయి.
శివ ఓ కథ కూడా చెప్పారని, నానికి నచ్చకపోవడంతో సినిమా ఆగిపోయిందని వార్తలొచ్చాయి. సినిమాలో నాని మిలటరీ ఆఫీసర్‌గా కనిపిస్తాడని అప్పట్లో వార్తలొచ్చాయి కూడా. ఇప్పుడు విజయ్‌ దేవరకొండతో శివ నిర్వాణ చేస్తున్న కశ్మీర్‌ ప్రేమ కథ ఆ సినిమానే టాక్‌ నడుస్తోంది. విజయ్‌ – సమంత సినిమా నేపథ్యం కశ్మీర్‌ అని తెలిశాకే ఈ వార్త వైరల్ అవుతోంది. విజయ్‌ – సమంత సినిమాకు ‘ఖుషి’ అనే పేరు పెట్టారని టాక్‌ నడుస్తోంది.
23వ తేదీన సినిమా లాంచ్‌ అయినప్పుడు ఈ టైటిల్‌ కూడా అనౌన్స్‌ చేస్తారని సమాచారం. ఇందులో సమంత కశ్మీరీ అమ్మాయిగా కనిపిస్తుందట. విజయ్‌ అక్కడ విధులు నిర్వర్తించే మిలటరీ అధికారిగా కనిపిస్తాడట. ‘జేజీఎం’ సినిమా లాంచ్‌ రోజు విజయ్‌ మిలటరీ గెటప్‌లో, కటింగ్‌ కనిపించాడు. ఆ సినిమా అనౌన్స్‌మెంట్‌ కోసం మిలటరీ కట్‌లో కనిపించాడా అనుకున్నారు. కానీ శివ నిర్వాణ సినిమా కోసం మారాడు అని ఇప్పుడు తెలుస్తోంది.
ఇదంతా ఓకే. శివ నిర్వాణ చేస్తున్న కథ నానికి ఎందుకు నచ్చలేదు. విజయ్‌కి ఎలా నచ్చింది అనేది ఇప్పుడు కీలకంగా మారింది. అలాంటి పాత్ర తనకు సరిపడవు అనుకొని నాని వద్దన్నాడా.. లేక సినిమా కథలో పట్టులేదా అనేది తెలియడం లేదు. ఒకవేళ కథలో సమస్య అయితే విజయ్‌ కూడా ఇబ్బంది పడతాడు. విజయ్‌ కూడా ఇటీవల కాలంలో సరైన స్టోరీ సెలక్షన్‌ లేక ఇబ్బంది పడుతున్న విషయం తెలిసిందే. చూద్దాం ఏమవుతుందో.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
Home